“100 fshatrat turistikë” – Drishti në listë, banorët: Duhet investim, ka turistë të shumtë

Projekti “100 fshatrat turistikë”, i cili përfshin edhe disa nga fshatrat e Bashkisë së Shkodrës, i lançuar 7 vite më parë nga qeveria duket se ka tejkaluar çdo afat. Drishti është fshati i përfshirë në listën e planifikuar për ta  kthyer në atraksion turistike, me qëllim përforcimin e ekonomisë rurale, por sipas banorëvë një gjë e tillë nuk ka ndodhur.

Banorët kërkojnë më shumë investime sidomos në lagjen e kalasë aty ku frekuentimi është edhe më i madh nga turistët.

Drishti është një destinacion i preferuar për ata që duan të zbulojnë historinë dhe kulturën e Shqipërisë rurale, si dhe për ata që pëlqejnë ecjet në natyrë dhe peisazhet e qeta.

Ndonëse është një ndër perlat më të bukura natyrore, zona e Drishtit mbetet ndër më të varfërat në bashkinë e Shkodrës.