116-vite nga Kongresi i Alfabetit – Gjimnazi “Oso Kuka”, aktivitet të larmishëm për këtë ditë

Gjimnazi “Oso Kuka” në qytetin e Shkodrës organizoi këtë të mëkurë një aktivitet me rastin e 116 –vjetorit të Kongresit të Manastirit, e njohur ndryshe si Dita e Alfabetit të Gjuhës Shqipe.

E pranishmë në këtë aktivitet ishte Drejtorja e ZVA Shkodër, Brisela Kadia. Nxënësit e shkollës, në pjesët që kishin përgatitur, trajtuan figurat historike të Kongresit, alfabetet e propozuara dhe rëndësinë e alfabetit të unifikuar për identitetin shqiptar,

Në ambjentet e shkollës ishte hapur edhe një ekspozitë me fotografi, dokumente dhe artikuj të kohës që hedhin dritë mbi rrethanat në të cilat janë zhvilluar punimet e Kongresit të Manastirit, që mbanin autorësinë e vetë nxënësve.

Data 22 nëntor përbën një ditë përkujtimore në Shqipëri, Kosovë, Republikën e Maqedonisë dhe në diasporën shqiptare, pasi kjo datë shënon ditën e Alfabetit të Gjuhës Shqipe.

Alfabeti u njësua gjatë Kongresit të Manastirit i njohur ndryshe edhe si Kongresi i Alfabetit.