13 shtatori, seanca ndaj McGonigal-it/ Avokati i ish-agjentit të FBI-së: Çështja…

13 shtatori, seanca ndaj McGonigal-it/ Avokati i ish-agjentit të FBI-së: Çështja mund të zgjidhet pa shkuar në gjyq

Avokati i ish-kreut të kundërzbulimit të zyrës së FBI-së në Nju Jork, Charles McGonigal, i cili është akuzuar për fshehjen e 225 mijë dollarëve që dyshohet se ka marrë nga një ish-punonjës i inteligjencës shqiptare, ka deklaruar se pret që çështja kundër klientit të tij në Uashington DC, të zgjidhet pa dalë në gjyq.

Veterani 22-vjeçar i FBI-së, i cili doli në pension në vitin 2018, u akuzua në janar në dy aktakuza të veçanta në Nju Jork dhe Uashington DC se kishte punuar për një preJ oligarkëve rusë, I vendosur nën sanksione nga SHBA pas luftës në Ukrainë.

Gjatë një konference të ditës së sotme, avokati i McGonigal-it, Seth DuCharme vuri në dukje se të pandehurit kanë dy zgjedhje – të pranojnë fajin ose të shkojnë në gjyq. Ai u shpreh se kishte shanse që çështja të zgjidhet pa pasur nevojë të shkohet në gjyq.

Nga ana e tij McGonigal nuk ka pranuar akuzat dhe ka deklaruar se është i pafajshëm.

Komentet e DuCharme sugjerojnë se prokurorët e qeverisë dhe avokatët e McGonigal mund të punojnë përmes një marrëveshjeje për pranimin e fajësisë në këtë rast, megjithëse DuCharme vuri në dukje se ishte i interesuar të shihte pjesën tjetër të provave të prokurorit, ku përfshihen dokumente të sigurisë kombëtare që ende kërkojnë disa redaktime.

Është e paqartë se si do të dukej një marrëveshje për pranimin e fajësisë midis prokurorëve dhe McGonigal dhe për cilat ai mund të deklarohet fajtor, transmeton CNN.

Gjyqtarja Colleen Kollar-Kotelly ka caktuar seancën tjetër që do të mbahet më 13 shtator.

“Shpresojmë se do të kemi lajme të mira për ju herën tjetër” u tha gazetarëve, avokati DuCharme Kollar-Kotelly.

Burimi