135-vjetori i At Martin Gjokës / Përkujtohet me koncert në hollin e Teatrit “Migjeni”
Në hollin e Teatrit “Migjeni” në Shkodër u zhvillua një koncert përkujtimor në nderim të 135-vjetorit të lindjes së kompozitorit të njohur At Martin Gjoka, një prej figurave më të shquara të muzikës shqiptare.
Koncerti solli për publikun pasazhe për piano dhe vokal nga albumi “24 pjesë e artikuj mbi veprën e At Martin Gjoka”, interpretuar nga artistë shkodranë.
Ideatori dhe muzikologu Qamil Gjyrezi vlerësoi kontributin unik të At Martin Gjokës në ndërtimin e bazave të muzikës profesioniste shqiptare.
Muzikanti Anton Kaftalli e cilëson këtë koncert si një akt respekti dhe rikthimi të vlerave të trashëgimisë muzikore kombëtare.
ANTON KAFTALLI Muzikant
Aktiviteti u drejtua nga koncert-maestër Rozeta Leka dhe u organizua me synimin për të promovuar më tej veprën e një prej kompozitorëve të parë shqiptarë me formim të thellë muzikor dhe shpirt artistik.
