15-vjeçari zhduket nga banesa, i ati : Nuk e di ku mund të ketë shkuar, bëra denoncim në polici

Këto janë lotët e këtij 39-vjeçari nga Postriba, i cili kërkon djalin e zhdukur prej dy ditësh.

Aurel Bibaj, ditën e hënë është nisur për në shkollën Adem Haxhija, si gjithmonë bashkë me të vëllanë, por pasi ka lënë në oborr vëllanë, vetë është larguar.

Që nga ai moment nuk ka shkuar në shtëpi, gjë e cila ka alarmuar familjen e tij.

Babai i tij, shtetasi Agim Bibaj tregon se i biri është parë për herë të fundit të hënën,  rreth orës 08:40 te Ura e Mesit, por nuk dinë ku ka shkuar më tej.

Arsyeja e largimit, sipas të atit , është se ai i ka bërtitur djalit të tij që të mos bëjë një sjellje të keqe dhe nga frika i ka treguar shokëve se do të largohet nga banesa.

I ati ka bërë menjëherë denoncim pasditen e 11 nëntorit në policinë vendore të Shkodrës. Ndërkohë, efektivët janë angazhuar për të gjetur se ku ndodhet 15-vjeçari dhe se përse është larguar.

Ndërkohë, policia thotë se në terren janë angazhuar efektivët dhe po punohet për gjetjen e  15-vjeçarit.

Ndërkohë, çështja i është rferuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.