19- vjeçarja plagos me thikë vëllanë e mitur / Policia e Shkodrës arreston shoferin 20- vjeçar, procedon një tjetër të ri
Një ngjarje e pazakontë është konsumuar orët e fundit në Shkodër.
Një vajzë 19- vjeçare ka dëmtuar me mjet prerës- thikë villain e saj në rrethana akoma të paqarta.
Ngjarja raportohet nga policia e Shkodrës, e cila bën me dije se ndaj 19- vjeçares ka nisur procedimi penal në gjendje të lire, teksa është dërguar në Spitalin Psikiatrik Shkodër për të marrë asistencën e nevojshme, pasi vuan nga shëndeti mendor.
Vëllai i saj, vetëm 7- vjeçar, është jashtë rrezikut për jetën.
Ndërkohë, uniformat blu bëjnë me dije se kanë arrestuar një 20- vjeçar banues në fshatin Qerret, pasi u kap duke drejtuar automjetin e tij pa leje drejtimi.
Po ashtu, ka nisur procedimi penal për një 22- vjeçar banues në Shkodër, pasi ditën e premte, duke drejtuar automjetin e tij me shpejtësi dhe mos respektimit të distancës së sigurisë, ka përplasur automjetin me drejtues një 65- vjeçar, banues në Shkodër.
