Këshilli i BE-së miratoi të premten paketën e 13-të me masa ndëshkimore kundër Rusisë për pushtimin e Ukrainës.
106 individë dhe 88 entitete me prejardhje nga India, Sri-Lanka, Kina, Serbia, Kazakistani, Tajlanda dhe Turqia, që dyshohet se kanë ndihmuar Rusinë të kryejë agresionin e saj, u vendosën në listën e zezë.
“Teksa kemi arritur pikën e trishtë dyvjeçare që kur Vladimir Putini nisi pushtimin e plotë të Ukrainës, Bashkimi Europian vazhdon të mbajë Rusinë nën presion. Sot forcojmë më tej masat kufizuese kundër sektorëve të ushtrisë dhe mbrojtjes ruse, duke synuar edhe entitete në vende të treta, të cilat furnizojnë me pajisje, si edhe përgjegjës për deportimin ilegal dhe riedukimin ushtarak të fëmijëve ukrainas,” tha kreu i diplomacisë së BE-së, Xhosep Borrel (o. Josep Borrell).
Ndër personat me poste të larta renditet edhe ministri i Mbrojtjes i Koresë së Veriut, si edhe disa individë e kompani bjelloruse, të përfshirë në dërgimin e armatimeve drejt Rusisë.
Duke iu shtuar kufizimeve për eksportin e pajisjeve të veçanta, si ato që përdoren për dronët luftarakë, BE-ja ka vendosur të mos lejojë tregtimin drejt kompanive ruse të transformatorëve dhe induktorëve që përdoren për prodhimin e dronëve, si edhe të kondensatorëve prej alumini për qëllime ushtarake.
“Ndërsa Rusia përpiqet të gjejë mënyra si t’i shpëtojë sanksioneve tona, Komisioni vazhdimisht rishikon masat në fuqi, duke vlerësuar mënyrën e zbatimit të tyre dhe zbulimin e ndonjë mangësie të mundshme. Fokusi tani është te zbatimi, veçanërisht ndaj shmangies së sanksioneve të BE-së përmes vendeve të treta,” thuhet në njoftimin e Komisionit Europian.
Trajneri i Laçit Armando Cungu në emisionin “Supergol” në RTSH pas ndeshjes së humbur 2-1…
Gjatë sezonit veror edhe territori i Bashkisë së Shkodrës, sikurse në në gjithë vendin, u…
Zhytësit specialistë që vëzhgojnë rrënojat e superjahtit 40 milionë dollarësh që u mbyt në Sicili…
Të paktën 51 persona kanë mbetur të vrarë dhe më shumë se 20 janë plagosur…
Të paktën katër persona u vranë dhe dhjetëra të tjerë kanë mbetur të plagosur në…
Presidenti francez, Emmanuel Macron, ka zbuluar qeverinë e tij të re, pothuajse tre muaj pasi…
This website uses cookies.