2024, OSHEE Rajoni Verior me 27 projekte / Zhuka: Jemi përqendruar në fshatra ku ka më problematika

Këtë vit OSHEE Rajoni Verior synon të realizojë 27 projekte të planifikuara. 2 prej tyre kanë të bëjnë me përmirësimin e furnizimit me energji elektrike në qytet dhe 25 të tjera në fshatrat më problematikë.

Fidri i Shkodra 1, i cili përfshin pjesën juglindore të qytetit, me rreth 100 biznese do të ndryshohet, ku nga 6 kilovolt tashmë ai do të furnizohet me 20 kilovolt

Sipas drejtuesve të operatorit të shpërndarjes së energjise elektrike këto investime do të ndikojnë në përmirësimin e cilësisë së furnizimit, minimizimin e defekteve dhe kohës për riparimin e këtyre defekteve. Teksa Shkodra në 90% të saj furnizohet rregullisht me energji, këtë vit fokusi mbetet për zonat e largëta malore. Vermoshi vijon të jetë ndër më problematikët sa  takon pjesës së rrjetit elektrik ku sa herë ka erë dhe reshje dëbore, banorët mbesin në errësirë.