21 viktima nga përmbytjet në Brazil pas katastrofës që solli cikloni
brazil
Shiu i rrëmbyeshëm dhe erërat e shkaktuara nga një ciklon kanë lënë të paktën 21 persona të vdekur në Brazilin jugor, ndërsa priten të tjera përmbytje.
Guvernatori i Rio Grande do Sul tha se ishte fatkeqësia më e keqe e motit në shtet. Në Mucum, një qytet me 5,000 banorë, qindra banorë u shpëtuan nga çatitë e tyre pasi 85% e qytetit u përmbyt.
Presidenti Luiz Inácio Lula da Silva tha se qeveria ishte e gatshme të ndihmonte. “Ku ka një problem, qeveria federale do të jetë aty për të shpëtuar njerëzit nga këto probleme,” tha ai.
Më shumë se 300 mm shi goditi shtetin në më pak se 24 orë, duke shkaktuar përmbytje dhe rrëshqitje dheu.
Punonjësit e shpëtimit kanë përdorur helikopterë për të arritur në zonat e përmbytura./BBC/
