3 dekada në prodhim të verës/ 70 vjeçari nga fshati Kaçë, besnik i tradicionales
prodhimi veres
Prej 3 dekadash Tonini merret me kultivimin e vreshtarisë. Ndonëse rreth të 70-tave për të puna në vreshta është pasioni më i madh që ka. E gjejmë duke i dhënë dorën e fundit të vjeljes së rrushit teksa ka kultivuar 40 kuintal. Prodhimi ka qënë i kënaqshëm, por vështirësi ka në fuqinë punëtore dhe gjetjen e tregut për shitje. Tonini na tregon se fshati Kaçë në Bashkinë Vau Dejës njihet ndër dekada për prodhimin e verës, madje sot në Vatikan thotë që ruhet me fanatizëm vera e kësaj zone. Të prodhosh verë nuk është e thjeshtë thotë 70 vjeçari. Mënyra e prodhimit është gërshetim i tradicionales me fermentimet moderne. Stoik i qëndron kohës 21 ditore të përgatitjes që nga vjelja e deri tek vera e gatshme. Punimin e tokës dhe rikthimin e emigrantëve për të zhvilluar vendin e tyre e ka ëndërr të vjetër që po e shoqëron në çdo ditë të tijën 70 vjeçarin!
