30 kompozitorë për festivalin e fëmijëve/Edicioni i 63-të me emra të njohur dhe talente të reja të muzikës shqiptare.

Organizatorët e Festivalit të 63-të të Këngës për Fëmijë në Shkodër kanë publikuar listën me emrat e 30 kompozitorëve të përzgjedhur për eventin tradicional, i cili mbledh çdo vit artistët më të përkushtuar në krijimin e këngëve për fëmijë.

Në listë bëjnë pjesë emra të njohur të muzikës shqiptare si: Zef Çoba, Adrian Hila, Frederik Ndoci, Shpëtim Saraçi, por edhe kompozitorë të rinj që synojnë të sjellin risi dhe energji të re në skenën e muzikës për fëmijë.Interesi ka qenë i madh për të marrë pjesë në edicionin e 63-të të festivalit sipas Zogës. Ndonëse nuk janë zyrtarizuar akoma datat e festivalit, mendohet që nata finale të mbahet më 1 qershor dhe pritet të jetë një tjetër edicion i mbushur me ngjyra, kreativitet dhe mesazhe pozitive për fëmijët.

Ky edicion synon të ruajë traditën, por edhe të përqafojë prurjet e reja në muzikën për fëmijë, duke sjellë një spektakël të denjë për publikun e vogël.