30 vite krijimtari botuese, Frano Kulli është një ndër studiuesit dhe publicistët më të spikatur të vendit

Me veprimtarinë e tij krijuese dhe botuese, Frano Kulli mbetet padyshim një ndër studiuesit më të spikatur të vendit tonë. Me një kontribut të vyer në fushën e botimeve të veprave të autorëve të traditës, prej 30 vitesh ai ndjen të njëjtin pasion si në ditën e parë, kur e nisi atë.

Të mbash një veprimtari ekonomike të lidhur me librin nuk është një sipërmarrje e lehtë,  sidomos në këto vite,  kur zhvillimi teknologjik ka ndikuar dukshëm në zbehjen e raportit me lexuesit.

Përveç botimeve të artikujve, të shkrimeve kulturore, të eseve në gazetat dhe revistat , brenda dhe jashtë vendit, studiuesi Frano Kulli, ka botuar edhe librat: “Fjalori i veprës së Fishtës” (Fitues i çmimit kombëtar “At Gjergj Fishta”;  “Fishta, rilexim në kohën e lirisë”;  “Kohë e përlyeme” (Fitues i çmimit “At Zef Pllumi) dhe “Djerrinave të Kohës”.