33 vite nga masakra e “2 prillit”/PD e ndarë në homazhet në nderim të 4 Dëshmorëve të Demokracisë

Në 33-vjetorin e masakrës së 2 prillit 1991 në qytetin e Shkodrës, 4 dëshmorë e demokracisë u nderuan veçmas nga dy, PD-të, Rithemelimi dhe PD zyrtare të cilët mbërritën në orare të ndryshme në kryerjen e homazheve. Ceremonia nisi në orën 11:00 ku pas vendosjes së kurorave me lule fjalën e morën familjarët e dëshmorëve të demokracisë. Ndërkohë gjatë ceremonisë pati edhe një mesazh nga Kryetari i PD Sali Berisha.
Në fund edhe kryetari i Bashkisë së Shkodrës Benet Beci vendosi kurora me lule në memorialin e katër dëshmorëve të demokracisë.

Si sot 33 vite më parë, më 2 prill 1991, një ngjarje shumë e rëndë tronditi jo vetëm qytetin e Shkodrës por të gjithë vendin, ku mbetën të vrarë Arben Broci, Bujar Bishanaku, Nazmi Kryziu dhe Besnik Ceka gjatë një proteste kundër regjimit.