33- vjeçari ekspert i prodhimit të verës – Nikolli: Kam provuar emigrimin, të ardhmen në vendlindje

Ky është Gëzim Nikolli nga fshati Fishtë i Lezhës.

I riu trashëgon pasionin e të atit për vreshtin dhe verat.

Sot ai punon në një nga kantinat më të mira në vend e cila dallohet për cilësinë  e verave autoktonte të zones.

Gëzimi tregon se çdo gjë e ka mësuar falë praktikës së jetës. Dhe për këtë është vlerësuar me çmime të ndryshme, ndërsa verat për të cilat ai kujdeset  eksportohen në vende të ndryshme.

Gëzimi thotë se më herët ka provuar edhe emigrimin, por sot është i bindur se të ardhmen e ka në vendlindje, teksa kujdeset për vreshtat dhe tokat e të parëve. Të njëjten gjë apelon edhe ndaj të rinjve të tjerë që të punojnë e investojnë në vendin e tyre.