33-vjetori i anëtarësimit të Shqipërisë në OSBE, Hasani: Roli jonë mbetet thelbësor mes sfidave
Ministri për Evropën dhe Punët e Jashtme, Igli Hasani ka kujtuar 33-vjetorin e anëtarësimit të Shqipërisë në Konferencën për Sigurinë dhe Bashkëpunimin në Evropë (CSBE), tashmë OSBE.
Në një postim në rrjetin social “X”, Hasani shkroi se roli i Shqipërisë mbetet thelbësor dhe përkushtimi ynë i palëkundur.
“Duke festuar sot 33 vjetorin që Shqipëria u bë anëtare e Konferencës për Sigurinë dhe Bashkëpunimin në Evropë, tani OSBE. Mes sfidave të vjetra dhe të reja, roli i Shqipërisë mbetet thelbësor dhe përkushtimi ynë i palëkundur”, shkruan Hasani.
