4 Tetori, Dita Botërore e Kafshëve
Dita Botërore e Kafshëve shënohet çdo vit më 4 tetor për të theksuar rëndësinë e kafshëve dhe për të përhapur ndërgjegjësimin për mirëqenien e tyre, për të ruajtur ekuilibrin ekologjik.
Ajo i ka fillimet në vitin 1931 në Firence të Italisë, ku në një konventë të ekologëve të asaj kohe u vendos 4 tetori si Dita Botërore e Kafshëve.
Data përkon me festimet kushtuar Shën Françeskut nga Assisi (Giovanni Francesco di Bernardone), i njohur ndryshe si mbrojtësi i kafshëve.
Kafshët janë jetike për ekosistemin tonë, duke kontribuar në mënyra të shumta për ruajtjen e ekuilibrit ekologjik. Kafshët janë gjithashtu të rëndësishme në mirëmbajtjen e proceseve ekologjike të tilla si riciklimi i lëndëve ushqyese, dekompozimi dhe cikli i azotit. Roli i tyre në mbrojtjen e mjedisit është i domosdoshëm.
Dita Botërore e Kafshëve i edukon njerëzit edhe për speciet më të rrezikshme në botë, në mënyrë që të mbrohen edhe ato.
Në kuadër të kësaj dite, dashamirësit e kafshëve mbështesin strehat e shpëtimit të kafshëve, nisin fushata të mirëqenies ose thjesht i mësojnë botës se si të ketë një ndikim pozitiv në mirëqenien e kafshëve.
Tema e këtij viti për Ditën Botërore të Kafshëve është “Toka është edhe shtëpia e tyre”.
