619-vjetori i lindjes së heroit kombëtar, në “Marin Barleti” u prezantua libri i autorit Hysen Dizdari për figurën historike

Në 619-vjetorin e lindjes së heroit kombëtar, Gjergj Kastrioti Skënderbeu, në Bibliotekën publike “Marin Barleti” në Shkodër u bë promovimi i librit bibliografi bazuar në veprat e autorëve shqiptarë rreth figurës historike.

Autori Hysen Dizdari e ka ndarë në tre periudha bibliografinë e heroit, një përmbledhje e bazuar në 500 vepra të shkruara.

Figura e Skënderbeut vjen e trajtuar në disa dimensione për shkak të rëndësisë që kishte ai si strateg.

Hysen Dizdari është një studiues i njohur i historisë, koleksionist dhe autor i pesë librave të filatelisë shqiptare. Ka mbi 30 vjet eksperiencë në koleksionimin e pullës postare shqiptare dhe të disa shteteve të tjera. Studimet e tij në fushën e filatelisë i ka gërshetuar ngushtë me njohjen dhe studimin e shkencave të historisë  të arkeologjisë dhe biologjisë.