Dy shtetas janë arrestuar nga Komisariati i Policisë Vau i Dejës pasi dyshohet se për motive të dobëta, kanë goditur me send të fortë një 62-vjeçar, i cili si pasojë po merr ndihmë mjekësore në spital dhe është jashtë rrezikut për jetën.
Ndërkohë, Komisariati i Policisë Shkodër referoi materialet në Prokurori, ku nisi procedimi penal për një 16-vjeçar, banues në Shkodër, pasi dyshohet se për motive të dobëta, ka goditur me grushte një 40-vjeçar.
Sakaq, nisi procedimi penal për një 50- vjeçar, banues në Fushë Arrëz, pasi dyshohet se për motive të dobëta, ka goditur me grushte një të moshuar, njofton policia.
Ndërkohë, policia njofton gjithashtu se rreth orës 08:45, në Velipojë, automjeti që drejtohej nga një 27 – vjeçar, ka përplasur një të moshuar i cili po lëvizte me bicikletë. Si pasojë është dëmtuar lehtë dhe është transportuar në Spitalin Rajonal të Shkodrës, ku po merr ndihmë mjekësore.
Në një tjetër njoftim për shtyp policia thotë se në orët e para të mëngjesit, është transportuar në spital një 24 -vjeçare, e cila dyshohet se ka konsumuar mbidozë ilaçesh, në banesë, në fshatin Dragoç. E reja po merr ndihmë mjekësore dhe aktualisht është jashtë rrezikut për jetën. Grupi hetimor po punon për të dokumentuar ligjërisht, rrethanat e rastit.Ndërkohë një 63-vjeçar, banues në fshatin Golem është gjetur i pajetë në anë të rrugës së fshatit ku jetonte mbrëmjen e së dielës. Sipas informacionit paraprak, dyshohet se ai ka pësuar një arrest kardiak, që ka çuar në humbjen e jetës së tij, njofton policia.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.