Radio Kukësi dhe RadioTelevizioni Shqiptar kanë vlerësuar me një certifikatë mirënjohje ish-ambasadorin e Shqipërisë në Kosovës, Qemal Minxhozi. Certifikata e mirënjohjes iu dha Minxhozit nga zv.drejtoresha e RTSH, Aurora Polo gjatë një aktiviteti në festimin e 65-vjetorit të Radio Kukësit.
Ish-ambasadori vlerësohet “për përkushtim dhe kontribut e çmuar në ndërgjegjësimin e donatorëve nga Kosova për ndërtimin e studios televizive në Kukës që shërben si urë lidhëse mes Shqipërisë dhe Kosovës”.
Gjatë fjalës së tij, Minxhozi u shpreh i nderuar për vlerësimin e bërë, ndërsa tha se kjo studio është simbol i bashkëpunimit mes Shqipërisë dhe Kosovës dhe se kjo u bë e mundur nga vëllezërit nga Kosova.
“Është një nder më i veçantë i jetës time. Është e pamundur për të mos përshëndetu gjithkënd që e ndjen veten kuksian sot në këtë sallë. Jam unë, Pandi dhe Leka Bungo, ambasadori britanik, vëllezërit tanë nga Kosova, që ndihmuan në ndërtimin e kësaj studio simbolike si një gurë themeli i rëndësishëm për një bashkëveprim dhe bashkëpunim të mëtejshëm në vitet që vijnë”, u shpreh ish-ambasadori.
Rikonstruktimi i studios së re në RTSH Kukësi i atribuohet angazhimit personal të ish-ambasadorit të Shqipërisë në Kosovë, Qemal Minxhozi, i cili bashkëpunoi duke mbledhur donatorë nga Kosova. Donatorët nga Kosova investuan në këtë studio pikërisht duke vlerësuar kontributin që Radio Kukësi ka dhënë për ta gjatë luftës në Kosovë.
12 emigrantët që mbërritën të mërkurën në Shqipëri me anije do të duhet të kthehen…
Shkolla 9-vjeçare “Ismail Qemali” e priti me festë fundin e një dite mësimore. Arsyeja ishte…
Kinema “Republika” në Shkodër çeli dyert për premierën e filmit artistik “Këtu vallëzohet me hijet”…
Një tjetër ekip i ri futbolli formohet në Shkodër. Ai është Olimpic Shkodra FC, i…
Trafikimi i personave ende mbetet një shqetësim për vendin tonë. Fakt i cili pranohet jo…
"Mund të kesh një qytet pa radio, por jo radio pa qytet" - kështu u…
This website uses cookies.