65-vjetori i Radio Kukësit, kryebashkiaku Halilaj: Jemi rritur me Radion, punë e madhe nga një staf i palodhur

Më 16 tetor shënohet 65-vjetori i krijimit të Radio Kukësit dhe vetëm dy ditë më pas, më 18 tetor, shënohet edhe 5-vjetori i krijimit të Televizionit të Kukësit.

Kryebashkiaku Alber Halilaj u shpreh se kjo është një ditë e shënuar për Kukësin dhe për të gjithë banorët, pasi Radio Kukësi ka qenë një radio e pandarë e kuksianëve ndër vite. Halilaj nuk ngurroi të falënderonte dhe të gjithë punonjësit e Radio Kukësit dhe RTSH Kukësit, për punën e palodhur.

“Faleminderit të gjithëve që janë prezentë në këtë ditë të shënuar në 65-vjetorit të krijimit të Radio Kukësit, në 5 vjetorin e krijimit të RTSH Kukësit. Unë dhe të gjithë ju jemi rritur me Radio Kukësin, në një radio ‘Iliria’, e cila na përcillte mesazhet më të ngrohta nga një staf i madh. Shumë pak njerëz e dinë që është një punë ë palodhur dhe jam shumë falënderues, mirënjohës për stafin e Radio Kukësit, të cilët ditë e natë kanë përçuar shumë kronika, kanë dhënë vlerat më të bukura të Kukësit. Gjej rastin t’ju falënderoj për këtë punë të palodhur dhe falënderime për këtë institucion që kanë kontribuar për të gjithë qytetarët e saj. Një falënderim të veçantë kam dhe për vëllezërit kosovarë, një pjesë të tyre i kemi sot prezentë. Një falënderim i veçantë i shkon Qemal Minxhozit, i cili ka qenë një urë lidhëse midis Shqipërisë dhe Kosovës”, u shpreh kryebashkiaku Alber Halilaj.