7 Marsi në Malësi të Madhe -Bashkia organizon takim mirënjohjeje për mësuesit në pension
Mësues në pension nga Malësia e Madhe dhe Shkodra, janë ftuar në një takim për 7 Marsin, organizuar nga Bashkia Malësi e Madhe.
Në shenjë vlerësimi për mësuesit, por edhe simbolikisht, takimin e ka çelur mësuesi nga Shkodra, Muhamer Vuci.
Liza Deda, drejtore e Zyrës Vendore Arsimore në Malësi të Madhe, ka përshëndetur mësuesit e pranishëm, duke vlerësuar kontributin e tyre në vite.Përmes këtij takimi, kryebashkiaku Tonin Marinaj ka falënderuar për punën e përkushtuar në vite jo vetëm mësuesit nga Malësia e Madhe dhe Shkodra, por nga e gjithë Shqipëria.
Në fund, të gjithë të pranishmit kanë shijuar një program artistik nga nxënësit e Malësisë së Madhe, si një buqetë urimi për 7 Marsin.
