16 gra e vajza janë vrarë e vetëvrarë në një hark kohor 1-vjeçar.
Bilanci tronditës i vrasjes e vetëvrasjes së grave shqiptare, për shkaqe të ndryshme, shumica prej të cilave iu pre jeta në mes pikërisht prej bashkëshortëve të tyre, duhet të shërbejë si një thirrje në këtë 8 Mars, Ditës Ndërkombëtare të Grave, për t’i thënë “Stop Dhunës” nga gruas.
Nga muaji mars i vitit 2023 e deri në mars të këtij viti, 16 gra e vajza janë vrarë e kanë ndërmarrë aktet fatale duke lënë jetim fëmijët e tyre.
Shumica prej këtyre ngjarjeve tronditëse, kanë autor të njëjtë, bashkëshortët e tyre, të cilët për shkaqe xhelozie, iu kanë marrë jetën grave të tyre.
1 MARS 2023
Më 1 mars të 2023 u shënua një prej masakrave më të rënda. Mevlutu Hysa, Hasime Dafkn dhe Etleva Kurti u vranë brenda ditës nga dora e një personi, Dan Hutra.
Ky i fundit në fillim plagosi me thikë Marjana Gurakuqin, pasi pretendonte se i fshehu paratë të cilat ia kishte lënë për t’i ruajtur. Më pas, autori u nis drejt shtëpisë ku jetonte bashkëjetuesja e tij Elene Hysa, të cilën e plagosi së bashku me mamanë e saj. Por breshëria e kallashit i mori jetën vajzës së familjes Mevlute Hysa, dhe nuses së vëllait Hasime Dafku.
Më pas Hutra u nis për Kamëz ku vrau Etleva Kurtin, motrën e Vladimir Kurtit, me të cilin kishte nisur probleme në qeli.
Më 12 mars 2023
Një plumb që kishte një tjetër shënjestër, i mori jetën Mimoza Pajës teksa punonte në një lokal në “Don Bosko”.
Atentati dyshohej se kishte shënjestër Fatjon Muratin. Ngjarja dyshohej gjithashtu për konflikte me grupin e Ervis Martinajt.
8 prill 2023
Roland Sinani ishte personi që i mori jetën kunatës së tij, 37-vjeçares Migena Sinani e cila ishte duke fjetur me vajzën e saj 2-vjeçare. Autori 43-vjeçar dyshohet se vuante nga probleme të shëndetit mendor. Pasi qëlloi kunatën, 43-vjeçari u vetëvra.
17 maj 2023
44-vjeçarja Alma Qevani gjeti vdekjen nga dora e burrit të motrës. 44-vjeçarja nga Kusardhi i Elbasanit u godit me sëpatë nga kunati i saj Tefik Tashi, 58 vjeç, pas një debati.
3 qershor 2023
Zeniate Muhollari u vra nga djali i saj Albi Muhollari më 3 qershor të vitit të shkuar, vetëm 4 ditë pasi ishin kthyer nga Amerika në Përmet për pushime.
24-vjeçari Albi Muhollari në gjendje të rënduar depresive, mbyti me plastmas nënën e tij 65 vjeçare.
4 qershor 2023
Për shkak të xhelozisë, 38-vjeçarja Marjola Myrtollari gjeti vdekjen nga burri i saj.
Aleko Myrtollari qëlloi me thikë bahskëshorten e tij më 4 qershor, ndërsa më 1 korrik, 38-vjeçarja pas një muaji qëndrimi në QSUT-të, ndërroi jetë.
29 korrik 2023
Po për shkaqe xhelozie iu mor jeta 46-vjeçares Luiza Mullalli, nënë e 3 fëmijëve. Ishte vetë bashkëshorti i saj 55-vjeçari, ai i cili e vrau me armë zjarri, e më pas e hodhi trupin e saj në gropën e ujërave të zeza në Zëmblak të Korçës.
2 gusht 2023
32-vjeçarja Lulejta Preza, u vra poshtë Urës së Dajlanit. 32-vjeçarja, pjesëtare e komunitetit rom u godit me thikë nga dy autorë për shkak të një konflikti për para.
3 shtator 2023
Një sherr mes dy motrave në Tiranë agravoi deri në vrasje. 37-vjeçarja Amanda Pushani u vra nga motra e saj 40-vjeçare me profesion mësuese e Gjuhës Shqipe. Shkak sipas dëshmive të autores, ishin sherret e vazhdueshme dhe abuzimi që e ndjera bënte me alkoolin.
17 shtator 2023
Një 80-vjeçare gjeti vdekjen pas dhunës së ushtruar nga bashkëshorti i saj 82-vjeçar në banesën e tyre në fshatin Pëllumbarë të Përmetit.
Ishte punonjësja që përkujdesej për çiftin, ajo e cila gjeti të pajesë të moshuarën, e cila ishte goditur me shkop për vdekje nga bashkëshorti.
28 shtator 2023
Një 35-vjeçare shqiptare në Itali u qëllua për vdekje nga ish-bashkëshorti i saj. Klodiana Vefa, nënë e dy fëmijëve, u qëllua me armë nga ish-bashkëshorti për shkaqe xhelozie.
20 Tetor 2023
Merushe Gjuzi ndërmori aktin fatal të vetëvrasjes për shkak të konflikteve të vazhdueshme me bashkëshortin e saj.55-vjeçarja u hodh nga furgoni në rrugën Peqin-Elbasan dhe nuk arriti t’i mbijetonte plagëve të marra.
31 dhjetor 2023
Një tjetër grua shqiptare gjeti vdekjen nga bashkëshorti i saj në Amerikë. Ngjarja makabre u shënua më 31 dhjetor, ku oficeri i policisë Uatson Morgan (o. Ëatson), i mori jetën gruas dhe 2 djemve të tyre 10 dhe 12 vjeç dhe më pas u vetëvra.
2 Janar 2024
Bedrie Loka, nënë e 4 fëmijëve i dha fund jetës në banesën e saj, duke u vetëhelmuar për shkak të bullizimit në rrjetet sociale.
Bedrie Lokës iu hap një adresë false në TikTok ku bëheshin postime të ndryshme për të. Për shkak të rëndesës psikologjike, Loka i dha fund jetës.
30 janar 2024
32-vjeçarja shqiptare Suela Saliaj u vra nga ish-bashkëshorti i saj Renato Muhaj, ngjarje e ndodhur në Florida të SHBA.
12 Shkurt 2024
Publikimi i një fotoje intime, u bë shkak për vetëvrasjen e 27-vjeçares në Tiranë, Sibela Abedini. Kjo e fundit u hodh nga tarraca e pallatit ku jetonte në Kamëz.
Në prag të sfidës së nesërme ku Vllaznia do të pres në “Loro Borici” ekipin…
Teksa ka përfunduar shqyrtimi i dokumentacionit dhe kontrollet në terren, në qarkun Shkodër po vijon…
Figura e Artistit të Merituar Sali Mani, rapsodit të lahutës e çiftelisë, u përkujtua “in…
5 Pedagogë të Universitetit “Luigj Gurakuqi” kanë dalë në pension duke shpëputur marrëdhëniet me këtë…
Ka nisur mbrëmjen e së premtes Kampionati Kombëtar i boksit për vititn 2024, aktivitet që…
Pas restaurimit të fasadave të pallateve në lagjen “Partizani” në Shkodër, pak ditë më parë…
This website uses cookies.