“8 Marsi”, sensibilizim nxënësve, Bashkia Shkodër nis aktivitetet për Ditën Ndërkombëtare të Grave

Sensibilizimi për të drejtat e grave dhe vajzave duhet të nisë nga moshat e reja shkollore. Mbi këtë ide kanë nisur në Shkodër aktivitetet në kuadër të 8 Marsit, Ditës Ndërkombëtare të Grave, të organizuara nga Bashkia.

Në takimin e parë,  në shkollën “Dëshmorët e Prishtinës” janë promovuar edhe sherbimet që qeverisja vendore ofron për gratë e vajzat.

Gjatë këtyre viteve, është bërë mjaft punë për promovimin e të drejtave të grave dhe të vajzave. Sigurisht që ka akoma shumë punë për të bërë, por e rëndësishme është forma që zgjidhet për të arritur suksesin e iniciatitave.

Deri me 8 mars, Bashkia Shkodër ka planifikuar organizimin e shumë eventeve, një pjesë e të cilave do të jenë pa praninë e mediave. Kjo për të mundësuar një efikasitet sa më të madh të kësaj fushate sensibilizuese.