85- vjetori, Bungo: Është një ngjarje e bukur jo vetëm për Radio Tiranën, por edhe për dëgjuesit e saj

Kryetari i Këshillit Drejtues të RTSH-së, Leka Bungo, e vlerësoi 85- vjetorin e lindjes së Radio Tiranës, si një ngjarje shumë të bukur dhe që ngjall shumë emocione.

Sipas tij, kjo ngjarje e bukur është jo vetëm për ata që kanë kontribuar me vite në Radio Tirana, por edhe për ata që e kanë ndjekur radion nga shtëpitë e tyre dhe nga autoparlantët e makinave.

“Uroj në 85 vjetorin e radios edhe 100 edhe 200 , sepse ajo nuk vdes asnjëherë për sa kohë ajo flet dhe dëgjohet. Kam konsideratën më të lartë edhe për ata që nuk jetojnë më, por që i kanë dhënë shumë këtij institucioni.”, theksoi Bungo.