A është i sigurt Bitcoin? Flasin dy ekspertët: Duhet ligj i posaçëm, të parandalojë financimin e terrorizmit

Ekspertët e tekonologjisë kanë deklaruar në emisionin “Jetë Shqiptare” se Shqipëria ka nevojë për një legjislacion të mirërregulluar që të shmanget përdorimi i kriptovalutave për pastrimin e parave dhe financimin e terrorizmit.

Kadri Manaj dhe Erjola Hoxhaj theksuan se përgjatë dekadës së fundit kriptovalutat kanë gjetur terren në Shqipëri. Por pavarësisht legjislacionit në tërësi, ekspertët theksojnë se mungesa e kontrollit ndaj tregut të kriptovalutave, të cilat shpeshherë përdoren për pastrimin e parave dhe financimin e terrorizimit siç ka ndodhur në rastin e konfliktit mes Izraelit dhe Hamasit.

“Një nga disavantazhet është mungesa e plotë e kontrollit sepse nuk kemi një legjislacion që të ndalojë apo parandalojë blerjen e kriptomonedhave për qëllime të dyfishta. Në këtë rast, është nevoja e parandalimit të pastrimit të parave që rrjedhin nga financimi i organizatave terroriste sikurse është folur në rastin e konfliktit mes Izraelit dhe Palestinës.   Ky shembull duhet t’i shërbejë edhe tregut shqiptar të kriptomonedhave”, u shpreh ekspertja Erjola Hoxha.  

Pjesë nga biseda në studio:

Si paraqitet kriptovaluta sot?

Kadri Manaj: Kemi filluar me një treg që është në rritje. Në këtë pikë shihen shumë vlera financiare se si shkon tregu sepse tregu është shumë i luhatshëm.

Çfarë e ka shkaktuar këtë rritje?

Kadri Manaj: Është një cikël që po mbyllet dhe është një ciklë i ri që po hapet.

Në aspektin e përfitimeve çfarë e bën kaq joshës tregun e kriptovalutave?

Erjola Hoxha: Në kulturën financiare shqiptare pas krizës ekonomike që përfshiu edhe tregun shqiptar, duket se tregu i kriptomonedhave gjeti një terren të përshtatshëm. U duk se në Shqipëri dekadën e fundit ka pasur një zhvillim të dukshëm. Tashmë në legjislacionin shqiptar gjejmë të miratuar edhe tregun e kriptomonedhave që është i rregulluar nga ana ligjore dhe financiare. Kështu që kompanitë e lincesuara mund të ushtrojmë aktivitetin në vend.

Erjola Hoxha: Ka një grup rregullator dhe mbikëqyrës për mbarëvajtjen e këtij tregu. Në bashkëpunim me Bankën e Shqipërisë janë kryer studime për t’u ardhur në ndihmë investitorëve të huaj dhe shqiptarë. Një nga disavantazhet është mungesa e plotë e kontrollit sepse nuk kemi një legjislacion që të ndalojë apo parandalojë blerjen e kriptomonedhave për qëllime të dyfishta. Në këtë rast, është nevoja e parandalimit të pastrimit të parave që rrjedhin nga financimi i organizatave terroriste sikurse është folur në rastin e konfliktit mes Izraelit dhe Palestinës.   Ky shembull duhet t’i shërbejë edhe tregut shqiptar të kriptomonedhave.