Abissnet Supeiore në RTSH/ Vllaznia “fluturon” në Durrës, Balaj gjithnjë e më shumë goleador
Vllaznia mori një fitore me shumë vlera në transfertë përballë Teutës, në takimin e transmetuar në RTSH Sport. Dueli i vlefshëm për javën e 23-të Superiores u dominua nga miqtë, të cilët gjetën avantazhin që në minutën e dytë me Malën.
Për të konsoliduar poziztat e ekipit shkodran në fushë mendoi Balaj, i cili shënoi golin e 14-të sezonal dhe të dytin për këtë takim.
Në fraksionin e dytë nuk ndryshoi skenari me Vllazninë që goditi përsëri në minutat e para me Dodën, i cili mposhti portierin vendas me një goditje mjaft të bukur ngë hyrja e zonës. Në të 60’ Teuta u mundua që të ndryshonte fatet e lojës, por goli i shënuar nga Beshiraj ishte sa për statistika.
Me këtë fitore, Vllaznia shkon në vendin e dytë me 40 pikë, por Dinamo dhe Partizani me nga 38 të tilla, kanë nga 1 ndeshje më pak. Ndërsa Teuta me 23 pikë mbetet në vendin e 8-të.
