“Abissnet Superiore” Futboll Femra/Vllaznia shpallet kampione e Shqipërisë 2023-24

Vllaznia është shpallur zyrtarisht kampione e edicionit futbollistik 2023-2024 në kampionatin e futbollit të femrave, që këtë sezon ishte i veçantë për shkak të aplikimit të formulës “Final Four”. Në finalen e zhvilluar në “Shtëpinë e Futbollit” ndaj Apolonisë, Vllaznia fitoi me rezultatin e thellë 4-0 duke siguruar trofeun e 11-të radhazi të titullit kampion të Shqipërisë në futbollin e vajzave. Në ceremoninë e zhvilluar në fund të sfidës finale, Zv. Presidenti i FSHF-së, Arben Dervishaj, i dorëzoi medaljet dhe trofeun ekipit të Vllaznisë.Vllaznia e vajzave do të përfaqësojë Shqipërinë në raundin para-eliminator në UEFA Champions League.