Abissnet Superiore, starton faza e dytë

Fundjava jep startin e fazës së dytë për Abissnet Superiore. Gjithçka është e shpërndarë të premten e të shtunën kjo për t’i dhënë kohë skuadrave për të luajtur më pas në mesjavë javën e njëmbëdhjetë dhe në fundjavën e ardhshme të dymbëdhjetën në një ngjeshje kalendari të madhe. Kështu të premten do ta ngrejë siparin Kukësi – Vllaznia për të vijuar më pas me Erzeni – Laçi, që në ora 17:00 do të zhvillohet në Arenën e Demave. Derbi Tirana – Dinamo do të luhet të shtunën në ora 14:00 në stadiumin “Selman Stërmasi” dhe në ora 17:00, Skënderbeu – Egnatia dhe Teuta – Partizani mbyllin javën e parë të fazës së dytë. Në përfundim të fazës së parë, teksa po shihni dhe kalendarin e javës së dhjetë, njëkohësisht dhe renditjen, vendin e parë e mban Egnatia me 19 pikë e ndjekur nga Partizani me 17 pikë, që në fakt ka një ndeshje më pak.

Java 10

E premte, 27 tetor 2023

Kukësi – Vllaznia                     ora 14:00

Erzeni – Laçi                            ora 17:00

E shtunë, 28 tetor 2023

Tirana – Dinamo                      ora 14:00

Skënderbeu – Egnatia              ora 17:00

Teuta – Partizani                      ora 17:00