Nuk lëviz çmimi i fiksuar i shitjes me pakicë të naftë dhe benzinës në vend, pavarësisht se tregu ndërkombëtar dhe ai i Mesdheut, ku kuotohet nafta shqiptare, ndryshon në rënie për gjatë gjithë muajit.
As edhe kursi i këmbimit të monedhës amerikane, me të cilën blihet nafta në treg, që shënon dita ditës tatëpjetën e këmbimit, nuk duket të reflektohet në shitjen e karburnateve.
Tregtarë vijojnë të përfitojnë në kurriz të konsumatorëve dhe nuk duket se do t’i pengojë kush.
Televizioni Publik ka ndjekur në vijimësi ecurinë e çmimeve të naftës për të parë dinamikën e çmimeve. Pas datës 7 Qershor 2023, kur përfundoi funksioni i Bordit të Transparencës së Karburanteve, çmimi me pakicë ka lëvizur vetëm në rritje. Kjo rritje çmimi nuk justifikohet nga asnjë prej treguesve të bursës, as nga Çmimi Platz i Mesdheut, as nga vlera e dollarit amerikan.
Ky është grafiku i ndryshimit të vlerës së monedhës amerikane në tregun shqiptar, nga dita e përfundimit të monitorimit nga Bordi i Naftës deri ditën e sotme. Asnjë nga luhatjet në treg nuk është pasqyruar në çmim.
Grafiku në vijim tregon luhatjen e çmimit të naftës së papërpunuar në Bursën e Londrës, që orienton edhe Platz e Mesdheut.
Ka një rënie prej më shumë se 10 USD për fuçi për çdo kontratë paraprake. Edhe kjo nuk reflektohet, në ndërkohë që në shumicën e rasteve, sapo shfaqet rritje në Londër, në Shqipëri ndryshojnë tabelat e çmimeve në pompë.
Tabela e tretë tregon kursin e Bankës së Shqipërisë për një muaj. Shikoni gremisjen e dollarit që nuk pasqyrohet askund në çmimin e naftës. Tregtarët e shumicës e blejnë lirë tashmë naftën në Bursën Platz të Mesdheut dhe nuk e reflektojnë këtë në tabelat e pakicës. Nuk ka ndryshuar ndërkohë asnjë nga taksat e tatimet dhe as akciza që duhet të ndryshojë në 1 janar 2024. Ky është tregu i naftës në Shqipëri, që pasqyron gjithnjë rritjen e çmimeve në Bursë, por asnjëherë rënien e tyre.
Ashtu si një mini-Saturn, rreth 466 milionë vjet më parë Toka ka të ngjarë të…
Shqipëria ka shënuar një vit rekord sa i përket numrit të turistëve. Kështu e nis…
Diva e madhe, ikona e vërtetë e kinemasë italiane, lindi më 20 shtator 1934 në…
Në të kaluarën, nuk ishte e pazakontë që ndërtesave ti duheshin shumë dekada për t'u…
Ministrja e Shtetit për Administratën Publike dhe Antikorrupsionin, Adea Pirdeni deklaroi të enjten se, ngritja…
Në kalendarin e Organizatës së Kombeve të Bashkuara, 20 shtatori është Dita Botërore e Pastrimit,…
This website uses cookies.