GJKKO ka shtyrë për ditën e nesërme (6 korrik) masat e sigurisë për ish-ministrin e Shëndetësisë Ilir Beqajn, Ermal Kortulajn, Alfred Nikollën, Bledar Lekajn e Bjona Zijajn dhe Elton Marinin.
Seanca do të zhvillohet të shtunën në orën 12:30, pas kërkesave të avokatëve mbrojtjës të cilët kërkuan kohë të njiheshin me aktet e akuzave ndaj klientëve të tyre.
Beqaj u arrestua një ditë më parë, pasi akuzohet për prokurime fiktive në të paktën 8 raste në kohën kur ky ka qenë drejtor i përgjithshëm i Agjencisë Shtetërore të Programimit Strategjik dhe Koordinimit të Ndihmës (SASPAC).
Me një deklaratë zyrtare të lëshuar ditën e djeshme (4 korrik), SPAK bëri me dije se Ilir Beqaj ka abuzuar me fondet e BE ku këto prokurime fiktive nuk kanë kaluar përmes një procedure të rregullt ligjore. Lidhur me abuzimet, SPAK nënvizoi se Beqaj i ka kryer në bashkëpunim me Ermal Kurtulaj, gjithashtu i arrestuar, i cili në atë periudhë drejtonte projektin EUSAIR pjesë e SASPAC përgjatë viteve 2022-2023.
Sipas SPAK, faturat dhe procedurat fiktive bëheshin që paratë të përfundonin në xhepat e ish-ministrit Ilir Beqaj dhe Ermal Kurtulajt , duke sqaruar dhe se si veprohej nga ana e tyre. SPAK thotë se Beqaj dhe Kurtulaj i kanë kryer vetë këto shërbime si blerës direk duke përfituar të ardhurat në mënyrë të paligjshme.
SPAK sqaroi se shoqëritë tregtare të kontraktuara për organizim të eventeve kanë dhënë përfitim të parregullt në formën e blerjeve të shërbimeve tek restoranti, që edhe pse nuk figuronin në emër të Beqajt dhe Kurtulaj, ata ishin përfituesit fundor.
Në kuadër të megaoperacioneve kombëtare të koduara “Territor i pastër” dhe “Sundimi i ligjit”, shërbimet…
Nënshkruhet Marrëveshja e Bashkëpunimit mes Ministrisë së Arsimit dhe Fondacionit Shqiptaro-Amerikan për Zhvillim (AADF )…
Çmimi Ndërkombëtar për Lirinë e Shtypit për vitin 2024 do t’u ndahet 4 gazetareve, mes…
Inspektorati Kombëtar i Mbrojtjes së Territorit, vijon me prishjen e objekteve për t’i hapur rrugë…
Nëndetësja Titan që u shpërbë gjatë zhytjes drejt rrënojave të Titanikut, duke vrarë të pesë…
Ish-zv.ministri i Shëndetësisë, Klodian Rrjepaj po dëshmon në Komisionin Hetimor për Sterilizimin në Kuvend. Prokuroria…
This website uses cookies.