Administrata e Bajden kërkesë Kongresit për miratimin e fondeve për Izraelin dhe Ukrainën

Administrata e Presidentit amerikan Xho Bajden (Joe Biden) i kërkoi Kongresit të miratojë fondet për Izraelin dhe Ukrainën.

Kërkesa për ndihmë urgjente ushtarake për Izraelin dhe Ukrainën në Capitol Hill, erdhi pas përpjekjeve të republikanëve të Dhomës së Përfaqësuesve për të shkatërruar një paketë prej 106 miliardë dollarësh duke shkurtuar pjesët kryesore të politikës së brendshme të Shtëpisë së Bardhë.

Sekretari amerikan i shtetit, Entony (Antony) Blinken dhe sekretari i mbrojtjes Lojd (Lloyd) Austin, thanë një seancë dëgjimore në Senat se ndihma për të dy vendet ishte e lidhur ngushtë dhe nuk duhet të shkëputet, siç kërkohet nga republikanët kryesorë që janë të etur për të mbështetur Izraelin, por kundërshtojnë çdo ndihmë të mëtejshme për Ukrainën.

Blinken dhe Austin e thanë këtë pasi Majk Xhonson (Mike Johnson), kryetari i ri i djathtë i Dhomës së Përfaqësuesve, prezantoi një projekt-ligj që propozonte që ndihma të kufizohej në 14.3 miliardë dollarë për Izraelin dhe të lidhej me shkurtimet e buxhetit për Shërbimin e të Ardhurave të Brendshme (IRS), SHBA,  autoriteti tatimor të cilin administrata Bajden e ka përforcuar si pjesë e Aktit të saj për Reduktimin e Inflacionit.

Legjislacioni gjithashtu nuk do të parashikonte asnjë dispozitë për vazhdimin e ndihmës së Ukrainës ndërsa ajo përpiqet të zmbrapsë forcat ruse.