Administrata Trump pezullon nga puna punonjësit e USAID në mbarë botën

Administrata e re e Donald Trump ka pezulluar të gjithë punonjësit e Agjencisë Amerikane për Zhvillimin Ndërkombëtar (USAID) në mbarë botën, duke i dhënë fund një prej misioneve më të rëndësishme humanitare të Shteteve të Bashkuara, që ka zgjatur më shumë se gjashtë dekada. Ky vendim ka ndërprerë programet e USAID-it për luftën kundër urisë, epidemive dhe për financimin e arsimit, ndërsa ka pasuar pas deklaratave të Elon Musk që kritikuan shpenzimet e kësaj agjencie si të tepërta dhe pa dobi.

Nëpërmjet një njoftimi të dërguar me email, administrata informoi punonjësit se programet ndërkombëtare të USAID-it do të mbyllen, dhe disa mijëra punonjës të agjencisë u pushuan nga puna. Kjo masë ka sjellë një ngrirje të plotë të fondeve të USAID, ndërkohë që administrata po përgatit një plan për t’iu ndihmuar punonjësve të USAID-it jashtë shtetit, duke mbuluar shpenzimet e udhëtimit për t’u kthyer në SHBA brenda 30 ditësh.

USAID ka luajtur një rol kyç në zhvillimin global, duke mbështetur luftën kundër korrupsionit, përforcimin e sundimit të ligjit dhe demokracisë, dhe zhvillimin e shoqërisë civile. Me mbi 10,000 punonjës, shumica e të cilëve shërbejnë jashtë vendit, ky vendim ka krijuar pasiguri për shumë projekte që prekin zhvillimin ekonomik dhe nxitjen e investimeve ndërkombëtare.