Aeroporti Ndërkombëtar i Tiranës thyen rekord, afro 7.26 milionë pasagjerë qarkulluan në vitin 2023

Aeroporti Ndërkombëtar “Nënë Tereza”, (TIA) aeroporti kryesor në Shqipëri, ka shënuar një moment historik të rëndësishëm në aktivitetin e tij. 

“ TIA shpall me krenari një moment historik të rëndësishëm, pasi i ka shërbyer 7,257,634 pasagjerëve gjatë gjithë vitit 2023″ bëhet  ditur në njoftimin për mediet nga Aeroporti Ndërkombëtar “Nënë Tereza”. 

Sipas TIA-s “Kjo arritje shënon një rritje të konsiderueshme prej 40% krahasuar me një vit më pare dhe 117% se viti 2019 , duke forcuar pozicionin e TIA-s si një çelës lojtar në industrinë rajonale të aviacionit”, bëhet  ditur në njoftimin për mediet nga Aeroporti Ndërkombëtar “Nënë Tereza”.

Viti 2023 shfaqi rritje të qëndrueshme përgjatë muajve të ndryshëm, duke theksuar përkushtimin e aeroportit për të ofruar shërbime të reja dhe për të nxitur udhëtimin ajror.

“Totali kumulativ prej 7,257,634 pasagjerësh në vitin 2023 është një dëshmi e përkushtimit të TIA-s për përsosmëri, efikasitet dhe kënaqësinë e pasagjerëve. Aeroporti ka tejkaluar vazhdimisht pritshmëritë, duke reflektuar ndikimin pozitiv të planifikimit strategjik dhe investimeve në infrastrukturë”, thekson më tej njoftimi i Aeroportit Ndërkombëtar “Nënë Tereza”.

Aeroporti Ndërkombëtar “Nënë Tereza”, shpreh mirënjohjen për pasagjerët e saj, partnerët e linjave ajrore dhe palët e interesuara për kontributin në këtë arritje të jashtëzakonshme.

Aeroporti pret me padurim rritjen e vazhdueshme dhe ofrimin e një eksperience të pashembullt udhëtimi për të gjithë pasagjerët në vitet në vijim.