Aftësi dhe punësim përmes profesionit – Të rinjtë po preferojnë Teknologjinë e Informacionit dhe Komunikimit

Teknologjia e Informacionit dhe Komunikimit është një ndër drejtimet më të preferuara të të rinjve që ndjekin studimet pranë Shkollës së Mesme Profesionale “Arben Broci” në qytetin e Shkodrës.

Mësuesi i praktikave profesionale, Jetmir Hallunaj, tregon se modeli arsimor që po ndjekin nxënësit e kësaj dege,  i shkon për shtat nevojave të tregut të punës, ndaj sot në këtë shkollë është dega më e preferuar nga të rinjtë.

Nxënësit thonë se kanë bërë zgjedhjen e duhur dhe arsyeja pse ata kanë zgjedhur këtë drejtim është mundësia e madhe e punësimit në këtë fushë, por edhe pagat e larta që ofrohen në këtë sektor.

Shkolla profesionale “Arben Broci” në Shkodër është një ndër godinat arsimore e cila do të rindërtohet me mbështetjen e buxhetit të shtetit, ndërsa do të pajiset me laboratorë modern për zhvillimin e lëndës së teknologjisë së informacionit.