Agjërimi fshehurazi në diktaturë – Historia e imamit Vehbi Dani, nisi agjërimin kur ishte 11 vjeç
Në muajin e shenjtë të Ramazanit, RTSH sjell historinë e 79-vjeçarit Vehbi Dani i cili shërben si imam i Xhamisë së Berdicës së Sipërme.
Ai rrjedh nga një familje me tradita islame dhe ishte vetëm 11 vjeç kur nisi të agjerojë.
Hoxha Vehbi Dani tregon për qetësinë shpirtërore që i fal ky muaj.
Edukimin e parë fetar ai e mori fëmijë nga xhaxhallarët e tij.
Në kohën e regjimit komunist në vitin 1967, kur Shqipëria u bë vendi i parë ateist në botë, ai tregon se agjëronte ilegalisht duke u ruajtur përballë atij sistemi.
Familja Dani, në lagjen “Dudas” në qytetin e Shkodrës, është një familje me tradita të vjetra kulturore e fetare.
