“Ahengu Shkodran”, këngë dhe histori – Edicioni i 12-të i organizimit kulturor erdhi si gërshetim i traditës me të renë
Në Muzeun Historik të Shkodrës, aty ku është kthyer në traditë, “Ahengu Shkodran” zhvilloi edicionin e tij të 12-të.
Grupi “Karajfilat që ka Shkodra” shoqëroi solistët gjatë interpretimeve të tyre para publikut me këngët e bukura shkodrane.
Artistja e mirënjohur, Mukades Çanga dhe kryeashiku i ahengut, Agim Molla ishin artistët që sollën atmosferë për të pranishmit.
Kënga popullore është një nga simbolet e Shkodrës, u shpreh në përfundim të kësaj nate, udhëheqësi artistic, Bardhyl Hysa.
Me entuziasmin që i karakterizon, disa nga artistët e rinj thonë se ndihen me fat që janë trashëgimtarë të këngës shkodrane.
Edicioni i 12-të i Ahengut Shkodran erdhi i organizuar nga Qendra Kulturore “Pjetër Gaci” nën kujdesin e Bashkisë Shkodër.
Ai do të përcillet i plotë në rrjetin e RTSH në ditët e ardhshme.
