Agjencia Kombëtare e Rinisë nënshkroi të premten marrëveshjet e bashkëpunimit me 23 organizata për të rinjtë, projektet e të cilave janë shpallur fituese nga Thirrja e tretë për projekt-propozime rinore, që po financohet me mbështetjen e qeverisë shqiptare nëpërmjet AKR-së.
Ministrja e Shtetit për Rininë dhe Fëmijët, Bora Muzhaqi tha se ky është viti i tretë hapen thirrje për projekt-propozime nga organizatat rinore qëllimet e të cilave janë në përputhje me Strategjinë Kombëtare të Rinisë 2022-2029 për fuqizimin e të rinjve në çdo qytet të Shqipërisë.
“Në thirrjen e parë u shpallën fituese 12 projekte nga organizatat dhe 4 nga bashkitë, shtrirja e të cilave nuk ishte në shumë zona të Shqipërisë, por në thirrjen e dytë që u përditësua me anë të metodologjisë LOD u shpallën fituese u shpallën 24 projekte nga organizatat dhe 5 projekte nga bashkitë. Në thirrjen e tretë, për të cilën edhe jemi mbledhur sot së bashku, janë shpallur fituese 23 projekte nga organizatat rinore dhe/ose për të rinjtë të cilat do të fillojnë zbatimin së shpejti”, tha ministrja Muzhaqi.
Thirrja e tretë, vjen me një standard të ri të procesit të aplikimit dhe vlerësimit, atë të metodologjisë LOD. Ajo përkon me rritjen e transparencës, eficencës, besueshmërisë, kontrollit dhe monitorimit dhe njëkohësisht rritjen e kapaciteteve të stafit që menaxhon këtë Thirrje.
“Mbështetja financiare këtë vit, ashtu si edhe vjet ka ardhur nga buxheti i shtetit dhe donatorët, respektivisht: UNICEF, UNDP dhe UNFPA. Totali i grantit për mbështetjen e organizatave rinore dhe/ose për të rinjtë në këtë thirrje është 58.000.000 Lekë nga buxheti i shtetit dhe afro 6.000.000 Lekë nga donatorët. Shuma maksimale për projekt-propozimet nga organizatat rinore është 1.500.000 lekë, ndërsa për organizatat për të rinjtë është 3.500.000 lekë.” tha ministrja Muzhaqi.
Organizatat për të rinjtë, përgjatë 12 muajve të ardhshëm do të implementojnë projektet, në kuadër të të cilëve do të fuqizojnë të rinjtë në qytete të ndryshme të vendit. Zbatimi i projekteve synon në nxitjen e pjesëmarrjes së të rinjve në proceset vendimmarrëse dhe mbështetjen e aktivizimit shoqëror dhe qytetar të tyre, nxitjen e punëve të denja dhe ndërlidhjes së të rinjve me tregun e punës dhe mbështetjen e mirëqenies aktive, të shëndetshme, fizike, sociale, kulturore dhe mendore e të rinjve.
Orkestra Simfonike e Radio Televizionit Shqiptar do të zhvillojë më 20 shtator në orën 19:00…
Presidentja e Komisionit Evropian, Ursula von der Leyen ka pritur sot në Bruksel të 6…
Është përcjellë për në banesën e fundit ish-deputeti i Partisë Demokratike Gerti Bogdani, i cili…
Komisariati i Policisë Shkodër, menjëherë pas marrjes së njoftimit nga Shoqata për Ruajtjen dhe Mbrojtjen…
Vllaznia ka zgjedhur Tërbunin e Pukës për një test përgatitor në prag të ndeshjes së…
Prej 19–21 shtator të gjithë maturantët, që nuk kanë aplikuar për programet universitare në raundin…
This website uses cookies.