Aksi Shkodër-Hani Hotit / Banorët: Mungon ndriçimi gjatë natës
aksi shkoder hani i hotit
Edhe këtë fillim viti, aksi Shkodër-Hani Hotit vijon të shoqërohet nga probleme të shumta. Mjaftojnë disa minuta për të vëzhguar dhe vërehet qartë se në këtë segment mungon sinjalistika dhe mbikalimet për banorët që kanë shtëpitë në dy anët e rrugës. Rrezik paraqesin edhe hyrje-daljet për vetë mjetet.
Banorët thonë se kjo është rruga e vdekjes. Dhjetëra viktima janë shënuar si shkak i mungesës së ndriçimit përgjatë natës.
Të udhëtosh në mbrëmje është një mision i vështirë, pasi ka një mungesë të theksuar të ndriçimit në rrugë, çka është bërë shkaktari kryesor i aksidenteve me vdekje në rrugën nacionale Shkodër – Hani i Hotit, që lidh Shqipërinë me Malin e Zi. Sa i takon statistikave, kjo rrugë ka marrë me dhjetëra jetë njerëzish, ndërkohë që viti 2022 mund të konsiderohet edhe si viti me numrin më të lartë të jetëve të humbura, me 8 viktima.
