Aksident me pasojë vdekjen “Patok”/ 32-vjeçarja bie në kanal me makinë, vdes gjatë rrugës për në spital

Një aksident me pasojë vdekjen është regjistruar mëngjesin e sotëm në Kurbin . Si pasojë e aksidentit, ka humbur jetën një 32-vjeçare.
Aksidenti ka ndodhur rreth orës 07:35, në aksin rrugor Mbikalimi i Patokut-Laç.

32-vjeçarja M.M., ka humbur kontrollin e mjetit që do drejtonte dhe për pasojë ka dalë nga rruga. Nga pamjet e aksidentit duket se makina ka përfunduar përmbys në një kanal, i cili ishte i mbushur me ujë.
E reja nuk u ka mbijetuar dot plagëve dhe ka humbur jetën rrugës për në spital, teksa po transportohej tek Trauma për ndihmë mjekësore më të specializuar.
Grupi hetimor ka shkuar menjëherë në vendin e ngjarjes dhe ka nisur veprimet hetimore për zbardhjen e plotë të rrethanave të ngjarjes.