Aksident në aksin rrugor Lezhë – Shkodër, makinat përplasen me njëra-tjetrën, 2 të plagosur
Një aksident është regjistruar mëngjesin e sotëm në segmentin rrugor “Lezhë – Shkodër”, ku dy automjete janë përplasur mes tyre duke lënë të plagosur dy persona, të cilët janë transportuar në spital menjëhere dhe ndodhen jashtë rrezikur për jetën.
Sipas njoftimit të policisë, aksidenti ndodhi rreth orës 08:30, në aksin rrugor Lezhë-Shkodër, automjeti me drejtues shtetasin B. L. është përplasur me automjetin me drejtues shtetasin V. H.
Si pasojë, janë dëmtuar drejtuesi i automjetit, shtetasi V. H., 61 vjeç, dhe pasagjerja në automjetin e shtetasit B. L., shtetasja L. L., të cilët janë transportuar në spital, për ndihmë mjekësore, dhe janë jashtë rrezikut për jetën.
Grupi hetimor po punon për sqarimin e rrethanave të aksidentit.
