Aksident në qendër të qytetit – Një burrë rreth 60 vjeç përfundoi në Spitalin Rajonal të Shkodrës
Një aksident ka ndodhur mesditën e kësaj të premte në qendrër të qytetit të Shkodrës.
Në afërsi të RTSH Shkodrës, një mjet në lëvizje ka përplasur një person që lëvizte me biçibikletë dhe po përpiqej të kalonte përmes vijave të bardha, në anën tjetër të rrugës.
Ndërsa nuk ka informacion zyrtar nga uniformat blu, nga dëshmitarë në vengjarje bëhet me dije se burri, rreth 60 vjeç, u përplas teksa po kalonte nga korsia e biçikletave, përmes vijave të bardha, në krahun tjetër të rrugës.
Sipas të njëjtave burime, drejtuesi i mjetit thotë se burri me biçikletë, u përplas me derën e makinës së ndalur, në afërsi të vijave të bardha. Ndërkohë, personi i përplasur është dërguar në spitalin e Shkodrës, teksa nuk ka informacion për gjendjen e tij shëndetësore.
