Aksident në “Rrugën e Arbrit”, humbin jetën 2 persona
Rrugen e Arbrit
Dy persona kanë humbur jetën këtë të hënë (18 dhjetor), si pasojë e një aksidenti në Rrugën e Arbrit. Nëpërmjet një njoftimi për mediat, Policia bën me dije se aksidenti u regjistrua afër Shkallës së Tujanit, ku janë përplasur dy automjete.
Për shkak të përplasjes, njëri nga automjetet ka rënë nga lartësia në humnerë dhe për pasojë, dy personat që udhëtonin në të kanë humbur jetën.
Drejtuesi i automjetit tjetër ndodhet në spital, në kujdesin e mjekëve.
Nuk dihen ende shkaqet e këtij aksidenti, teksa policia ka nisur hetimet.
