Aksident në Shkodër, makina e policisë bashkiake del nga rruga e përplaset me një automjet
Një aksident ndodhi rreth orës 11:00 të paradites së sotme në qendër të Shkodrës, ku u përfshi makina e policisë bashkiake. Fatmirësisht si pasojë e aksidentit ka vetëm dëme materiale. Sipas të dhënave në vendin e ngjarjes, makina elektrike e policisë bashkiake ka dalë nga rruga duke kaluar edhe bordurën e rrugës si pasojë e një komandimi automatik që ka ndodhur në sistem, duke u përplasur me një mjet tjetër. Shërbimet e policisë rrugore mbërritën në vendngjarje dhe nisën veprimet dhe për të hetuar shkaqet e këtij aksidenti.
