Aksident rrugor pranë kryqëzimit të Gjadrit- Lëndohet një person
Një aksident tjetër ka ndodhur në aksin rrugor Lezhë-Shkodër, pranë kryqëzimit të Gjadrit.
Në aksident janë përfshirë dy automjete e për pasojë ka mbetur i plagosur një person, i cili është dërguar me urgjence për ndihmë mjekësore në spital.
Ky është aksidenti i dytë që ndodh në të njëjtin vend gjatë ditës së sotme, me një bilanc tre persona të plagosur.
Në të dyja rastet po vijojnë hetimet për zbardhjen e shkaqeve dhe rrethanave të këtyre aksidenteve.
