Aksident tjetër tek segmenti i rrugës së spitaleve/ E aksidentuara një grua e moshës 50 vjeçare.

aksidenti
Një grua e moshës rreth 50- vjeçare, është aksidentuar këtë mëngjes të së hënës në Shkodër. Sipas raportimit të RTSH Shkodra, aksidenti është verifikuar në sheshin e spitaleve, në lagjen “Skenderbeg”.
Një automjet është përplasur me një motorçikletë, ndërsa e lënduar ka mbetur një grua, e cila është dërguar në spital për kujdes mjekësor. Policia rrugore është në vendngjarje për të zbardhur dinamikën e aksidentit të radhës në Shkodër.