Aksident tragjik në Gjermani, përmbyset autobusi, humbin jetën 5 persona

Të paktën pesë persona kanë humbur jetën dhe disa të tjerë kanë mbetur të plagosur si pasojë e një aksidenti të rëndë të një autobusi pranë qytetit lindor të Gjermanisë, Leipzig.

Autobusi është përmbysur dhe për pasojë të paktën pesë persona humbën jetën.

“Disa persona kanë mbetur të plagosur për vdekje nga aksidenti i rëndë në autostradën A9. Ka viktima të shumta”, tha policia e Saksonisë në një deklaratë në X.

FlixBus ofron shërbime autobusi në Evropë dhe më gjerë. Shërbimi i saj nga Berlini në Cyrih kishte dy shoferë dhe 53 pasagjerë në bord kur automjeti u përmbys.

Autobusi ishte më pak se dy orë në udhëtimin e tij në momentin e përplasjes pranë aeroportit Leipzig-Halle, në veri-perëndim të qytetit.

Policia tha se helikopterët e shpëtimit dhe një numër i madh ambulancash u thirrën menjëherë në vendngjarje. Spitaleve lokale iu tha të përgatiteshin për një urgjencë të madhe.