Aksidente me dy të vdekur / Në aksin Shkodër- Koplik dhe në Shirokë regjistrohen dy viktima
Një aksident me vdekje ka ndodhur këtë të martë në aksin rrugor Shkodër-Koplik.
28-vjeçari Klevis Duka, duke drejtuar makinën ka përplasur për vdekje një të moshuar, që po ecte me motor. Sikurse mësohet, viktimë ka mbetur 84-vjeçari Berhan Triepshi.
Policia Vendore e Shkodrës bën të ditur se rreth orës 10:15, në aksin rrugor “Shkodër-Koplik”, shtetasi Klevis Duka duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti është përplasur me motomjetin me drejtues shtetasin Berhan Trepshi rreth 84 vjeç.
Me drejtuesin e automjetit po kryhen veprimet procedurale. Grupi hetimor po punon për sqarimin e rrethanave të aksidentit”, njofton policia.
Më herët, një tjetër aksident u regjistrua në aksin rrugor Shirokë-Shkodër, ku një automjet ka përplasur një person që lëvizte me biçikletë.
Për pasojë, drejtuesi i biçikletës, i identifikuar si Sait Rraboshta, ndërroi jetë në spitalin e Shkodrës, disa orë më vonë.
