Aksidenti i radhës në Lezhë – Shkodër / Nga përplasja e tre makinave, ka mbetur e plagosur një grua
Një grua mbeti e plagosur pas përplasjes së tre automjeteve në superstradën Lezhë-Shkoder.
Aksidenti ndodhi rreth orës 12:00 të së dieles, në afersi të kryqëzimit të Kakarriqit.
E plagosura u dërgua me urgjencë për ndihmë mjekësore në Spitalin Rajonal të Lezhës, nga ku mësohet se ndodhet nën kujdesin e bluzave të bardha, jashtë rrezikut për jeten.
Ndërkohë, polici, e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti të trefishtë, nga i cili u bllokua për disa minuta dhe njëri krah i lëvizjes përgjatë superstradës Lezhë -Shkodër, duke sjellë trafik të rënduar.
Ky aks rrugor vijon të jetë problematik sa i përket aksidenteve, ku mos respektimi i rregullave të qarkullimit rrugor dhe mungesa e standarteve në rrugë është shkaku kryesor i tyre.
