Në fjalën e saj në ceremoninë e mbajtur në  nderim të viktimave, presidentja Vjosa Osmani deklaroi se Masakra e Reçakut është një prej gjenocideve më të mëdha që i është bërë Kosovës. Presidentja shton se ajo që ndodhi janarin e 99’-ës nuk është vetëm një tragjedi që lidhet me këtë vend dhe Kosovën, por dëshmi e vuajtjeve të popullit për të drejtën ekzistenciale të jetës.

Osmani më pas bëri një pasqyrim të asaj se si ambasadori William Walker i tregoi botës dhe ndërkombëtarëve për regjimin gjenocidal serb dhe masakrën që ai kreu mbi 45 burra, gra, fëmijë e të moshuar të pafajshëm.

 “Jemi në Reçak, ku 26 vite më parë mizorja dhe njerëzorja patën ndeshjen më makabre në këtë pjesë të Evropës.

Më janar 99’ 45 banorë të Reçakut u masakruam nga regjimi genocidal të Serbisë. Reçaku nuk është tragjedi që lidhet vetëm me këtë fshat, por dëshmi e vuajtjeve të gjata të popullit tonë që luftonte për të drejtën ekzistenciale.

Pamjet e masakrës tronditën botën e prekën ndërgjegjen ndërkombëtare e mobilizuan diplomacinë. Kjo në saj të ambasadorit William Walker që me përkushtim i dha zë të vërtetës së pamohueshme të vuajtjeve të popullit tonë, i tregoi botës mizoritë që regjimi gjenocidal serb i kreu mbi popullsinë shqiptare në Reçak e Kosovë. Ky është krim kundër njerëzimit, masakër të cilën se përshkruan dot ndryshe.

Kjo hapi rrugën për ndërhyrjen e NATO.

Ata luftuan me guxim për liri dhe të drejtën tonë për të jetuar në tokën tonë. Vajzat dhe djemtë e UCCK ishin përfaqësues të denjë të një brezi që nuk u gjunjëzua asnjëherë përballë shtypjes dhe terrorit të Serbisë genocidale. Më 98-99 Kosova mbrojti pragun e shtëpisë nga regjimi gjenocidal serb”, u shpreh Osmani.

Kjo e fundit sulmoi dhe presidentin serb Aleksandër Vuçiq i cili gjatë viteve 98’-99’ mbante rolin e ministrit të informimit në qeverisë serbe, për të cilin deklaron se ndërsa asokohe mohoi Masakrën që po kryente Millosheviqi në Reçak, sot dërgon forcat e veta paramilitare terroriste serbe për të sulmuar Kosovën (duke iu referuar këtu sulmit të 24 shtatorit të 2023-shit në Banjskë).

“Në kohën kur Reçaku e Kosova kërkojnë drejtësi për viktimat e pafajshme të luftës, ajo që shohim në Serbi është vazhdimësi e mendësisë së viteve 90’, ku 100 mijë civile u vranë në këtë pjesë të Evropës.

Vuçiq mohon Masakrën e Reçakut, atë që bota pa me sytë e vetë, e quan Millosheviqin si njeri të madh me synime të mira. Si propagandues që është, një ane flet për paqe, e në anën tjetër pas dërgon forcat e veta paramilitare terroriste për të sulmuar Kosovën.

Heronjtë tanë që me sakrificë treguan sa e shtrenjtë është liria dhe sa i madh është çmimi që pagoi populli ynë”, theksoi Osmani.

Kurti: Duhet drejtësi, urdhëruesit ende në pushtet në Serbi

Në përkujtim të Masakrës së Reçakur, kryeministri i Kosovës, Albin Kurti, theksi se përgjegjësit duhet të përballen me drejtësinë, ndërsa akuzoi Serbinë se ajo nuk lejon hetimin e krimeve të luftës. Ai theksoi se, megjithëse lufta për çlirimin e Kosovës ka përfunduar, beteja për drejtësi vazhdon ende.

Kryeministri i Kosovës theksoi gjithashtu se ende disa nga autorët dhe urdhëruesit e krimeve të luftës ndaj shqiptarëve në Kosovë janë në pozita të pushtetit në Serbi, dhe kërkoi që ata të përballen me drejtësinë.

Kurti përmendi edhe rëndësinë e deklaratave të ambasadorit amerikan Ëilliam Ëalker, të cilat denoncuan brutalitetin që po ndodhte në Kosovë dhe ndryshuan rrjedhën e luftës.

“Krimet e kryera gjatë luftës I kanë dosjet e mbyllura në Beograd dhe ajo që duhet të ndodh tani është drejtësia, gjykimi dhe ndëshkimi I kriminelëve qoftë edhe në mungesë. Në raport me Serbinë sot duhet të thuhet ka përfunduar lufta për çlirimin por jo beteja për drejtësi. Kjo përkujtesë është pikërisht për të mos harruar kurrë këtë masakër dhe të deklarimet e ambasadorit Ëalker ishin denoncimet e pra që bënë ndërkombëtarët dhe nxorën në pah brutalitetin që po bëhej në Kosovë dhe ndryshoi  rrjedhën e luftës në vendin tonë. Trupat e NATO-s hynë në veprim me bombardimet në Serbi dhe t’i jepnin fund luftës. Ende disa prej ekzekutorëve dhe urdhëruese ndaj krimeve mbi shqiptarët në Kosovë janë ende në pushtet në Serbi. E vërteta të mos deformohet dhe përgjegjësit të përballën me drejtësinë. Liria do të triumfojë mbi padrejtësitë”, tha Kurti.

Walker: Ajo çka ndodhi në Reçak, ndryshoi Kosovën

Ish-shefi i misionit vëzhgues të OSBE-së në Kosovë, ambasadori William Walker, e pati cilësuar Masakrën në Reçak si krim kundër njerëzimit, ishte i pranishëm në aktivitetin përkujtimor për të kujtuar viktimat e masakrës së Reçakut.

Në këtë akademi po marrin pjesë edhe krerët e shtetit.

Gjatë fjalës së rastit, Walker vlerësoi çdo person që ishte i pranishëm për të përkujtuar një ngjarje të tillë sikurse është kjo masakër me 45 civilëve nga fshati i Reçakut.

“Sot është kujtesa e asaj që ka ndodhur para 26 viteve në këtë fshat për të cilin nuk ishte dëgjuar më parë , sikurse është Reçaku. E mbaj mend edhe sot kur jam kthyer nga Mali zi dhe me thanë që diçka ka ndodhur në Reçak dhe më është dashur të pyes se ku është vendodhja. Krejt rastësisht u vendos të vit ë nesërmen në mëngjes në Reçak dhe pash aty atë që pash dhe pasdite unë ja tregova botës nëpërmjet fjalëve të mia atë që unë kam parë.”

Duke dhënë detaje nga ngjarja e 15 janarit të 1999 , Walker u shpreh se, kam interpretuar se çfarë ka qenë shkaku i kësaj dhe kush ka qenë përgjegjës për këtë. kjo nuk ishte e vështirë për ta deklaruar, ka qenë e qartë nga ajo që pash në vendngjarje.

“45 civil të pafajshëm u qëlluan duke u marr nga fshati. nën kërcënimet e armëve u morën me dhunë burra dhe djemtë të rijnë dhe u vranë nga armata Serbe.  Kjo është e vërteta dhe për të gjithë ata që ishin me mua aty në atë mëngjes.  Unë thjesht i tregova botës atë pasdite atë që pash dhe kush ishte përgjegjës. kjo ishte ajo që unë kam thënë para 26 vitesh.

Ish-shefi i misionit vëzhgues të OSBE-së, kujton se para 25 vitesh kam ardhur para një turme të ngjashme në këtë përkujtimore që jemi sot dhe pash anëtarët e Reçakut por nuk kam ditur çfarë ti thoja të pranishmëve.

“Nuk isha në gjendje të thoja atë që duhet të thoja në lidhje me pikëllimin që mbizotëronte ne atë fshat. Ajo që unë i thash atyre, i premtova që do të shkruaja një libër dhe titulli do të ishte REÇAK. Ju kërkoj falje dhe ndihem i turpëruar sepse vetëm sot ka dal ky libër dhe jemi 25 vite më vonë.  Njëkohësisht jam shumë i kënaqur që më në fund ky libër u mundësua dhe i lumtur që Kryeministri Kurti dhe Presidentja Osmani më treguan që ky libër do të jetë një vlerë e shtuar për rininë dhe popullin e Kosovës. Është shumë e rëndësishme që ata të lexojnë përshkrimin tim që pse unë kam marr pjesë në atë ngjarje para 26 vitesh.  Si çdo përvjetor unë vij për të thënë atë që ka ndodhur 26 vite më parë.  Dua të them që Reçaku jo vetëm përfaqëson ata të kaluarën e tmerrshme kur serbët i kanë bërë ato që kanë bërë shqiptarëve dhe komuniteteve të tjera.  Reçaku nuk është masakra e vetme që ka ndodhur. Por unë jam këtu për të shprehur atë që ndiej që për mua Reçaku përfaqëson diçka shumë të ndritshme. Reçaku është e ardhmja e republikës së Kosovës. për një kohë shumë të shkurtër ky vend, populli i Kosovës e kanë kthyer këtë vend në një vend të mrekullueshëm dhe nuk është as Reçaku dhe as Kosova e para 26 viteve më parë”.

Walker, i cili vjen për homazhe në pothuajse në çdo përvjetor ka thënë se dikur ishte kryesisht një shërbim përkujtimor, por tani sipas tij ka njerëz nga e gjithë Kosova, dhe “supozoj se ka edhe nga e gjithë bota”.

“Kosova sot është një vend i mrekullueshëm që po lulëzon. është një vend demokratik që unë me të vërtetë jam shumë krenar që kam qenë pjesë e historisë së këtij vendi”.

The post Masakra e Reçakut, Osmani: Krim pa fajtor kundër njerëzimit. Kurti: Urdhëruesit ende në pushtet në Serbi appeared first on RTSH Shkodra.

Gjatë debatit të tyre të parë, komisionerja për Zgjerimin, Marta Kos, dha një deklaratë të rëndësishme lidhur me progresin e Shqipërisë dhe Malit të Zi.

Ajo theksoi se të dyja vendet janë pretendente kryesorë për anëtarësim dhe mund ta përfundojnë procesin e grupkapitujve brenda dy viteve të ardhshme.

“Mali i Zi i ka të gjitha kapacitetet që të përfundojë procesin e grupkapitujve deri në vitin 2026, ndërsa Shqipëria deri në vitin 2027. Ne do t’i mbështesim, por sigurisht, kjo është një punë e vështirë,” deklaroi znj. Kos.

E pyetur nëse i sheh këto vende si anëtare deri në vitin 2028, ajo u shpreh optimiste, duke theksuar se suksesi do të varet nga përmbushja e detyrimeve të tyre. Sipas saj, procesi i integrimit evropian është një përgjegjësi e përbashkët, si për qeverinë, ashtu edhe për opozitën.

“Unë do të shkoj në shkurt në Shqipëri dhe shpresoj që këto lëvizje që po bën dhe gjithë ky përmirësim e vullnet që ky vend ka treguar duhet të merret si shembull edhe nga vendet e tjera, përfshirë këtu Serbinë. Megjithatë përparimi në këtë rrugë kërkon bashkëpunim dhe angazhim nga të gjitha palët politike,” shtoi zyrtarja euroopiane.

Komisionerja Kos do të vizitojë Malin e Zi të enjten dhe të premten, më 16 dhe 17 janar, ndërsa Shqipërinë pritet ta vizitojë në shkurt.

The post PE diskuton për zgjerimin: “Shqipëria drejt BE, përgjegjësi e qeverisë dhe opozitës” appeared first on RTSH Shkodra.

Ajo i bëri komentet gjatë një konference me gazetarët, ku u shpreh se vendimet e Gjykatës së Lartë i japin të drejtë qeverisë së saj për të përcaktuar vendet e sigurta. 

“Gjykata e Kasacionit thotë se i takon qeverisë të përcaktojë se cilat janë vendet e sigurta dhe se rrjedhimisht gjyqtari nuk mund të zbatojë sistematikisht ndalimin e emigrantëve, që vijnë nga ato vende, por në vend të kësaj mund të justifikojë rastin konkret pse një person, për një arsye specifike, nuk është i sigurt nga vendi që vjen, gjë që është krejtësisht e ndryshme nga ajo që bënë magjistratët e Gjykatës së Romës, të cilët nuk hynë në themel të çështjes,” u shpreh kryeministrja Meloni.

Ndërkohë ajo theksoi se hyrja e emigrantëve në Itali u ul me 60 për qind vitin e kaluar, ndërsa javët e fundit pothuajse është zeruar.

Lidhur me komentet e fundit të Donald Trump (lex. Tramp), kryeministrja italiane hodhi poshtë spekulimet se Shtetet e Bashkuara mund të përdorin forcën për të marrë Groenlandën ose Kanalin e Panamasë, duke thënë se komentet e Trump synojnë t’i japin një mesazh Kinës. 

“Ndiej se duhet të përjashtoj mundësinë që Shtetet e Bashkuara vitet në vijim do të përpiqen të aneksojnë me forcë territoret që i interesojnë. Ato janë dy territore, ku ne kemi qenë dëshmitarë që vitet e fundit ka pasur një interes në rritje nga ana e Kinës,” tha Meloni.

Liderja e ekstremit të djathtë në Itali shtoi gjithashtu se nuk pret që presidenti i ardhshëm amerikan të braktisë Ukrainën. 

The post Qendrat e emigrantëve në Shqipëri, Meloni: Gati për t’i bërë operative appeared first on RTSH Shkodra.

Sikurse ka bërë me dije Lajçak me anë të një postimi në rrjetin social X, në fokus të takimit mes tyre ka qenë dialogu Prishtinë-Beograd dhe zhvillimet në rajon.

“Folëm për Ballkanin Perëndimor, zhvillimet rajonale dhe dialogun”, shkroi Lajçak në X.

The post Dialogu dhe zhvillimet në rajon, Lajçak takon zyrtaren e lartë të OKB-së appeared first on RTSH Shkodra.

Aco Martinoviç vrau 12 persona, përfshirë dy fëmijë, dhe plagosi katër të tjerë para se të kryente vetëvrasje pak orë më vonë.

Pas një takimi të Këshillit të Sigurisë Kombëtare, Spajiç tha se qeveria në Mal të Zi do të shqyrtojë të gjitha lejet e dhëna për armët e zjarrit me leje.

“Do të miratojmë një ligj të ri. Kush ka leje ka kohë deri më 1 janar 2026 për t’iu nënshtruar verifikimeve më të rrepta të sigurisë dhe kontrolleve të shëndetit mendor”, tha Spajiç.

“Armëmbajtja është e pajustifikuar dhe nuk mund të mbështetet nga asnjë traditë apo arsyetim”, u shpreh kryeministri malazez, duke shtuar se do të kryhen verifikime edhe për armët pa leje.

Ai njoftoi se poseduesve të armëve të tilla do t’u lihet një afat dymujor për t’i dorëzuar ato pa u përballur me pasoja ligjore.

“Pas kësaj, një ligj i ri do të hyjë në fuqi dhe armëmbajtja pa leje do të dënohet ashpër“, tha kryeministri duke paralajmëruar se askush nuk do të tolerohet.

Në të njëjtën ditë qindra qytetarë u mblodhën para godinës së qeverisë në Podgoricë, ku kërkuan llogari dhe përgjegjësi nga udhëheqësit politikë dhe sistemi i sigurisë për ngjarjen në Cetinjë.

Protestuesit lanë 12 lule në gardhin jashtë ndërtesës, për të përkujtuar 12 viktimat e 1 janarit.

The post Mali i Zi masa kundër armëve, qytetarët kërkojnë përgjegjësi për sulmin në Cetinjë appeared first on RTSH Shkodra.

Autori i dyshuar, Aco Martinoviç, ka kryer vetëvrasje. Pas ngjarjes, ai është gjetur i plagosur rëndë pranë banesës së tij në Humci, ndërsa mediat malazeze thonë se ka ndërruar jetë gjatë dërgimit në spital.

Aco Martinoviç autori i dyshuar i masakrës me 12 vitima në Cetinjë të Malit të Zi ka qëlluar veten në kokë pranë banesës së tij teksa prej orësh ndiqej nga policia.

Me këtë akt merr fund terrori i shkaktuar prej momentin kur ai kreu masakrën në një tavernë dhe më pas duke qëlluar këdo që i dilte përpara, teksa policia po e kërkonte.

Autori vrau katër persona në dy vendndodhje, dy fëmijë në të tretën dhe një person në dy të tjerat. Katër persona kanë mbetur të plagosur dhe janë dërguar në spital.

Një nga 12 viktimat e masakrës që tronditi Malin e Zi është edhe 13-vjeçari,  M.V. Miqtë e vogëlushit kanë bërë postime të shumta prekëse në median sociale.

Kjo është masakra e dytë në Çetinje në pak vite. Dy vjet e gjysmë më parë, Vuk Boriloviç vrau 10 persona, duke përfshirë dy fëmijë.

The post Masakra në Malin e Zi! -Thellohet bilanci, shkon në 12 numri i të vdekurve, autori vetëvritet appeared first on RTSH Shkodra.

“12 persona u vranë, duke përfshirë dy fëmijë”, tha për mediat prokurorja Adriana Nastic.

Sulmuesi ishte një burrë 45-vjeçar, i cili nën ndikimin e alkoolit qëlloi dhe vrau gjithsej dhjetë persona, duke përfshirë dy fëmijë, dhe plagosi katër të tjerë gjatë një debati në një restorant në jug të Malit të Zi  më 1 janar.

Pas ngjarjes, autori vrau veten pasi u rrethua nga policia. Tragjedia ndodhi brenda një restoranti në fshatin Baice, pranë qytetit të Cetinjes.

Sipas kreut të policisë Lazar Scepanoviç, autori pasi kishte konsumuar sasi të madhe alkooli, shkoi në shtëpi dhe mori armën, për të hapur më pas zjarr ndaj klientëve.

Më pas, autori i armatosur shkoi në tre vende të tjera, ku vrau gjashtë persona të tjerë, duke përfshirë një anëtar të familjes së tij, pronarin e restorantit dhe dy fëmijët e këtij të fundit, 10 dhe 13 vjeç.

Për ngjarjen, kryeministri Miloko Spaits bëri të ditur se do të shpallet tri ditë zie kombëtare, nga sot e enjte deri të shtunën pasnesër.

The post Shkon në 12 numri i viktimave në Malin e Zi. Qeveria shpall 3 ditë zie appeared first on RTSH Shkodra.

Instituti Kombëtar i Shëndetësisë të Publike të Kosovës ka bërë të ditur se gjatë ditës së djeshme në Laboratorin e Mikrobiologjisë përmes metodës RT-PCR është konfirmuar një rast i importuar i lisë së majmunëve.

“Rasti i gjinisë mashkullore (30 vjeç), shtetas i Republikës së Kosovës, është spitalizuar në Klinikën Infektive/QKUK me datë 24.12.2024, pas kthimit nga një shtet i Afrikës Perëndimore, me simptoma si temperaturë, ethe, ndryshimet në lëkurë, në fytyrë, në duar dhe kruarje”, thuhet në njoftim.

Sipas këtij instituti, pacienti është në gjendje të qëndrueshme shëndetësore.

“IKSHPK i ka gjurmuar të gjitha kontaktet e deklaruara të personit të infektuar dhe të familjarëve të tij, të cilëve u janë dhënë rekomandimet për masat e parandalimit dhe të kontrollit të infeksionit”, thekson njoftimi.

The post Konfirmohet rasti i parë me linë e majmunëve në Kosovë appeared first on RTSH Shkodra.

Protesta në Beograd filloi me 15 minuta heshtje në nderim të viktimave. Tubime më të vogla u mbajtën edhe në qytetet e Nishit dhe Kragujevcit. Protestuesit kërkojnë që Presidenti serb dhe përgjegjësit për shembjen e strehës, të përballen me drejtësinë. Deri tani autoritetet kanë arrestuar 13 persona për ngjarjen në Novi Sad, përfshirë një ministër që u la më pas i lirë, dukë shtuar mosbesimin e publikut rreth procesit të hetimeve.

Duke sfiduar protestat në rritje, Vuçiç përuroi te dielën përfundimin e pjesës së një autostrade në Serbinë Qendrore. Ai tha se nuk do t’u nënshtrohet kërkesave të opozitës për një qeveri tranzitore, ndërsa akuzoi kundërshtarët e tij se po shfrytëzojnë studentët për të marrë pushtetin pa zgjedhje.

Partitë opozitare thonë se një qeveri e tillë do të mund të përgatiste zgjedhje të lira dhe të ndershme dhe mund të t’u jepte fund tensioneve politike. Protesta e së dielës ishte ndër më të mëdhatë në vitet e fundit.

The post Protesta masive në Beograd – Protestuesit kërkojnë drejtësi për tragjedinë e 1 nëntorit appeared first on RTSH Shkodra.

Presidentja e Kosovës, Vjosa Osmani në fjalën e mbajtur në Parlament, deklaroi se ky takim pasqyron trashëgiminë e përbashkët të dy vendeve dhe vendosmërinë e palëkundur për të krijuar një të ardhme të denjë.

Osmani u shpreh se dy parlamentet Shqipëri-Kosovë, si tempuj të demokracisë, kanë një rol vendimtar në forcimin e lidhjeve dypalëshe dhe në avancimin e interesave të qytetarëve.

“Takim që pasyqron trashëgimin e përbashkët dhe vendosmërinë e palëkundur për të krijuar një të ardhme të denjë.

Kjo seancë duhet të shërbejë si thirrje për veprim, kujtesë se qëllimi ynë i përbashkët kërkoj përpjekje më të palodhshme.

Për dy vendet tona, kjo është domosdoshmëri, një Shqipëri me e fortë do të thotë një Kosovë më e fortë.

Duhet ta shfrytëzojmë këtë moment për të ndërtuar harmoninë e nevojshme.

Lidhja e thellë mes dy vendeve, e rrënjosur në histori, në sakrificat e panumërta dhe vizionin e përbashkët. Kjo lidhje është themel i pathyeshëm mbi të cilin duhet të ndërtojmë bashkëpunim më të madh dhe koordinim më të shpeshtë.

Kosovë-Shqipëri dy pjesë të pandashme të një kombi të madh të bashkuar nga një histori e lavdishme.

Dy parlamentet tona, si tempuj të demokracisë, kanë një rol vendimtar në forcimin e lidhjeve tona dypalëshe dhe në avancimin e interesave të qytetarëve”, deklaroi Osmani.

Ndalur më tej te integrimi europian, presidentja Osmani deklaroi se Bashkimi Evropian do jetë më i sigurt dhe më i plotë me Shqipërinë dhe Kosovën, si pjesë e tij.

Ajo theksoi ndërkaq se, padrejtësinë ndaj popullit të Kosovës, sa vijnë dhe rriten dhe për tejkalimin e këtyre pengesave, Osmani kërkoi mbështetjen e vazhdueshme të Shqipërisë.

“Shqipëria po bën hapa vendimtarë në rrugën e  saj europiane, dua të shpreh urimet e mia të përzemërta

Kjo arritje, krenari për gjithë shqiptarët kudo jetojnë. Edhe Kosova si përherë mbetet me përkushtim të palëkundur për integrimin në BE dhe angazhimi ynë në këtë drejtim është i përditshëm. Aspirata jonë për t’u anëtarësuar në BE, pasqyrim i identitetit tonë dhe vizionit tonë.

Fatkeqësisht pengesat me të vilat Kosova përballet në këtë drejtim janë tejet të mëdha.

Padrejtësinë ndaj popullit të Kosovës, sa vijnë dhe rriten. Për t’i tejkaluar këto pengesa suksesshëm, na duhet mbështetja e vazhdueshme e Shqipërisë. BE do jetë më i sigurt më i plotë me shtetet tona si pjesë e tij.

Anëtarësimi i Kosovës në NATO, do i japë përfundimisht fund apetiteve hegjemoniste dhe destabilizuese të Serbisë ndaj Kosovës. Për të arritur këtë të ardhme të përbashkët është jetike të forcojmë bashkërendimin mes dy shteteve”, theksoi Osmani.

The post Osmani: Kuvendet e Shqipëri-Kosovë, tempuj të demokracisë. BE do jetë më e plotë me dy vendet tona appeared first on RTSH Shkodra.