Delegacioni i bashkimit Evropian në Tiranë njoftoi sot nismën që do të mundësojë Wi-Fi falas në sheshet, parqet apo shkollat e qyteteve.

Zyra e BE bën të ditur se, “duke nisur nga ky moment bashkitë shqiptare mund të aplikojnë për të përfituar nga WiFi4WB, një nismë që sjell pika Wi-Fi falas për komunitetin”.

Kjo nisëm mundëson pajisje dhe instalim të mbuluara, internet falas në hapësira publike, si dhe mbështetje për mirëmbajtje dhe funksionim të vazhdueshëm.

Delegacioni i BE u shpreh se, kjo iniciativë është pjesë e Planit të Rritjes së BE-së për Ballkanin Perëndimor, që mbështet transformimin digjital dhe fuqizon komunitetet lokale.

Afati për aplikim është deri më 28 prill 2025 në linkun https://wifi4wb.eu/

Nisma WiFi4WB është pjesë e projektit EU4Digital, i bashkëfinancuar nga Bashkimi Evropian dhe Qeveria Gjermane dhe zbatuar nga Deutsche Gesellschaft für Internationale Zusammenarbeit (GIZ).

WiFi4WB ofron pika publike Wi-Fi falas për deri në 500 bashki në të gjithë Ballkanin Perëndimor. Ai bazohet në suksesin e programit WiFi4EU të BE-së, i cili ndau 130 milionë euro për të krijuar rrjete publike Wi-Fi në gati 9,000 bashki të BE-së.

Pikat e aksesit Wi-Fi do të instalohen në hapësira publike si sheshe, parqe, biblioteka, muze dhe shkolla, duke ofruar akses falas dhe të besueshëm në internet për banorët dhe vizitorët.

Kjo nismë përfaqëson një hap të rëndësishëm drejt rritjes së lidhjes në rajon, duke fuqizuar njerëzit për të komunikuar, mësuar dhe punuar në mënyrë më efektive në internet. Është pjesë e një plani më të gjerë për të përshpejtuar tranzicionin dixhital në rajon, duke promovuar kështu integrimin e Ballkanit Perëndimor në Tregun Unik Dixhital të BE-së.

Nisma WiFi4WB do të sjellë Wi-Fi falas dhe me shpejtësi të lartë në hapësirat publike në komunitetin tuaj, duke i lejuar banorët dhe vizitorët të qëndrojnë të lidhur, të kenë akses në burimet thelbësore në internet dhe të shijojnë përfitimet e aksesit dixhital.

Nisma do të financojë plotësisht vendosjen e një pikë të nxehtë Wi-Fi në një vend publik të zgjedhur nga bashkia. Ofruesit profesionistë të shërbimeve të internetit do të kujdesen për pajisjet teknike, mirëmbajtjen dhe shërbimet fillestare të internetit për të siguruar një përvojë të qetë dhe të besueshme.

Për bashkitë, kjo është një mundësi për të përmirësuar infrastrukturën dixhitale lokale, dhe për banorët, është një shans për të shijuar Wi-Fi falas dhe të besueshëm që i lidh me botën përreth.

The post Deri në 500 bashki në Ballkanin Perëndimor do të përfitojnë Wi-Fi publik falas appeared first on RTSH Shkodra.

Ministrja e Arsimit dhe Sportit, Ogerta Manastirliu në një postim në rrjetet sociale tha se “për këtë vit janë vënë në dispozicion të mësuesve 90 kuota për trajtim me kredi të lehtësuar për blerjen e një banese”.

Manastirliu vuri në dukje se të gjithë të interesuarit duhet të aplikojnë nëpërmjet portalit e-Albania, nga data 11 mars 2025 deri më datë 9 prill 2025.

Përfituesit përzgjidhen nga Komisioni i Vlerësimit, i ngritur pranë Ministrisë së Arsimit dhe Sportit në bazë të sistemit të pikëzimit, të përcaktuar në vendimin e Këshillit të Ministrave “Për trajtimin me kredi të lehtësuar të të punësuarve në administratën publike për blerjen e banesës”, brenda 10 ditë pune nga afati i mbylljes së aplikimeve.

The post Manastirliu: Kredi me interes zero për blerje banese për 90 mësues, afati për aplikim deri më 9 prill appeared first on RTSH Shkodra.

Ndonëse shumica e vendeve në botë e festojnë më 21 mars, në Shqipëri kjo festë festohet më 22.

Përveç se një festë fetare në Shqipëri, Nevruzi njihet edhe ndërkombëtarisht prej OKB-së si Dita Ndërkombëtare e Nevruzit.

Nevruzi, i njohur edhe si Nowruz, Novruz, Navruz, Nooruz, Nevruz ose Nauryz, që do të thotë “ditë e re” në persisht, është shumë më tepër se thjesht fillimi i një viti të ri, është një festë e lashtë e jetës, rilindjes dhe triumfit të dritës mbi errësirën. Me rrënjë që shtrihen mbi 3000 vjet në epokën e Zoroastrianizmit, Nevruzi paralajmëron ardhjen e pranverës dhe festohet në ekuinoksin e pranverës.

Në këtë ditë, përveç riteve fetare, besimtarët bektashinj shkëmbejnë edhe vizita e dhurara me njëri-tjetrin. Gjithashtu tryezat shtrohen si për festë, ku nuk mungon byreku me monedhë, jeshillëqet, mishi i pjekur dhe sultjashi. Kjo ëmbëlsirë në bazë të saj ka qumështin, që simbolizon qumështin e nënës, orizin që simbolizon bollëkun dhe sherbetin që merret i kënduar në teqe.

Sekretari i përgjithshëm i OKB-së, António Guterres, në një shënim të tijin, në faqen online të Organizatës së Kombeve të Bashkuara, shkruan: “Ndërsa bota përtërihet këtë pranverë, le të kujtojmë se çdo vit i ri dhe çdo ditë, është një shans për një fillim të ri; një shans për të bërë gjërat ndryshe; një mundësi për të ndërtuar një botë më të mirë”.

Dita e Nevruzit bashkon kultura të ndryshme në të gjithë Iranin, Azinë Qendrore, Kaukazin, Ballkanin dhe më gjerë, duke ofruar zakone dhe vlera të pasura të zakoneve.

Origjina e Nevruzit mund të gjurmohet në perandorinë e lashtë persiane dhe në kalendarin Zoroastrian, ku shënonte një nga ditët më të shenjta të vitit. Fillimisht një kohë e shenjtë për të festuar rilindjen e natyrës, Nevruzi evoluoi gjatë shekujve në një festë laike të përqafuar nga komunitete të shumta etno-gjuhësore dhe kulturore.

Sot, Nevruzi festohet nga njerëz me prejardhje të ndryshme fetare dhe kulturore, duke reflektuar një dëshirë universale për rinovim, paqe dhe prosperitet. Njohja ndërkombëtare nga UNESCO dhe Kombet e Bashkuara nënvizon rëndësinë e saj si një ngjarje kulturore unifikuese në botën tonë gjithnjë e më të ndërlidhur.

The post Dita e Nevruzit, festa që simbolizon rilindjen appeared first on RTSH Shkodra.

The post Rikthehen mbetjet tek “Varrezat e Dëshmorëve”/E moshuara: Janë helmuar disa bagëti, ka mbetje të rrezikshme appeared first on RTSH Shkodra.

The post “Doctor Honoris” për albanologun/ Universiteti i Shkodrës “Luigj Gurakuqi” i akordon titullin akademikut arbëresh Francesco Altimari appeared first on RTSH Shkodra.

The post Dita botërore e fëmijëve me sindromën Down/ Domnori: Janë pjesë e shkollave gjithpërfshirëse me mësues ndihmës appeared first on RTSH Shkodra.

The post AKU Shkodër bllokon vezë të pasigurta/Haderi: Masa administrative me gjobë 2 subjekteve appeared first on RTSH Shkodra.

Ministrja e Bujqësisë dhe Zhvillimit Rural, Anila Denaj tha se, “me përparimet në sigurinë ushqimore dhe mbështetjen për prodhimin vendas, sigurojmë që konsumatorët të kenë zgjedhje të besueshme dhe të standardizuara”.

Denaj bëri të ditur se, 1909 teste të akredituara në ISUV, shënojnë një rritje të ndjeshme krahasuar me vetëm 6 teste në vitin 2013 dhe 171 teste më shumë se objektivi për 2024, falë investimeve në teknologji dhe standardeve të BE-së për biosigurinë.

Gjithashtu u shpreh ajo, 52 milionë fara dhe fidanë të certifikuara në 2024 nga ESHFF,  ofrojnë lëndë të parë të sigurt për fermerët tanë, teksa vuri në dukjes se, 400 testime për cilësinë e materialit mbjellës dhe 88 testime për varietete të reja në Katalogun Kombëtar, janë hapa konkretë drejt rritjes së cilësisë dhe eksporteve.

Ministrja shprehu angazhimin për garantimin e cilësisë dhe sigurisë ushqimore.

“Garantojmë cilësi dhe siguri ushqimore për të mbështetur prodhimin vendas dhe për të rritur besimin e konsumatorëve, ndërsa avancojmë në përafrimin e Kapitullit 12 me standardet e legjislacionit evropian, në rrugën drejt Shqipërisë 2030 në Bashkimin Europian”, tha Denaj.

The post Denaj: 1909 teste të akredituara në laboratorët e sigurisë ushqimore, nga 6 në 2013-n appeared first on RTSH Shkodra.

Edhe hartimi i kuotave çdo fillim viti bëhet në bazë të kapaciteteve për kryerjen e praktikave si në spital, po ashtu edhe pranë klinikës së fizioterapisë që ndodhet brenda ambjenteve të fakultetit.

Praktikat profesionale i kanë ndihmuar studentët që krahas njohurive gjatë viteve të studimit të praktikohen duke marrë një përvojë reale nga puna me pacientë.

The post Praktikat profesionale të studentëve – Kraja: Studentët e fizioterapisë, bashkëpunim me Spitalin Rajonal appeared first on RTSH Shkodra.

 Qytetarët shkodranë kërkojnë më shumë kontroll, veçanërisht në prodhimet e bulmetit dhe mishit pasi, sipas tyre, nuk janë të sigurta.

Nga ana tjetër, drejtori rajonal i AKU bën me dije se konsumatori duhet të ndjehet i sigurtë pasi monitorimet dhe kontrollet janë periodike.

Dita Botërore e Konsumatorit ka për qëllim ruajtjen e shëndetit dhe sigurisë së konsumatorëve, si dhe me mbrojtjen e tyre nga çdo praktikë abuzive e tregtarëve.

Apeli i konsumatorëve  u drejtohet institucioneve për më shumë kontrolle rigoroze dhe siguri ushqimore.

The post Dita Botërore e Konsumatorit – Qytetarët: Nuk jemi të sigurtë, duhen më shumë kontrolle appeared first on RTSH Shkodra.